Lontar Usada Kurantobolong 56a – 62a

Lontar Usada Kurantobolong 56a – 62a

Ta, rare mawatuk mwang jampi, sa, rwaning blingbing wsi, sakawit, kunir warangan, nyuh tunu, uyah uku, pinipis, we candanà, tahap.

Ta, rare dkah, sa, muñcuk dingin-dingin, tmutis, ktumbah, adas, pinipis, we sàntên, uyah uku, inum.

Ta, rare mawatuk, mwah dkah, sa, padang lêpas, tmutis, gintên cmêng, sarilungid, bawang tambus, we santên, jruk linglang, tahàp.

Ta, rare dkah, sa, rwaning rangdà lumakuh, padang klawu, tmutis, tingkih adas, [56a] sêmbar bawunya, mwah tkaning dadanya, ring gigirnya.

Ta, rare dkah, sa, muñcuk pule, gintên cmêng, bawang tambus, pinipis, we santên, jruk linglàng, kinlà, sadarannà, wus ratêng, inum.

Ta, rare dkah ngangsur, sa, tingkih lanang, padhang lêpas, adas, uyah uku, sêmbar bawunya tkaning dadanya.

Ta, rare dkah ngangsur-angsur tùr bêngek swaranya, sa, rwaning kamoning, skar jêpun, kunir sabatah, maswi, gamongan, ktumbah, sami tambus, wus ratêng, sêmbar wtêngnya.

Ta, rare ngredek tùr ngangsêk, sa, sumanggi gunung, we santên, jruk linglang, uyah uku, pinipis, tahap.

Ta, rare tan kawasà maglêkàn, tùr wing, sa, muñcuk kacêmcêm putih, tbu [56b] cmêng, gulàsari, sami tambus, wus ratêng, tahap. Mwah arap bawunya, sa, rwaning kayu manis jawà cinà, wêding kopok-kopok putih, taluh tambuyukan, bawang tambus, pinipis, arapaknà bawunya.

Ta, rare cangkêmnya wing, sa, êmbung kutuh wenya pet, hatin wai gumanghyang tambwan, muñcuk waluh, we tombong, sami kuskus, wus ratêng, pras saring, lalodokna, mwang tutuhknà.

Ta, rare netranya larà, sa, rwaning krayàning bwahnyà kayu pahit, don tuñjung, isen kapur, bawang putih, adas, pilisakna netranya.

Ta, rare socanya barak, sa, sampàr wantu, wêding gdang sabà, jruk langis, pinipis, pipilisaknà netranya.

Ta, rare netranya [57a] macehceh, sa, kàludahan pinge nguddà, nyalin ayam wiring, we jruk linglang, juwuk purùt, pilisaknà netranya.

Nyan patngêran rare agring, awsaknà ruhun swacandraning wong ngagring, yan katon sadda biru putihing netranya, bulun matanya giling, tuwêd bahunya bukà rot, sisik rare ikà. Yan rare brag, tur ngridig awaknya, amangan sada krêng, kapêdpêdan busan-busan, tùwêd bawunya buka rot, sisik rare ikà. Yan rare klar amangan nangis pêluh lonyotàn, rawuh romanya pluh, klar anangis ri kalà wngi, putih socanya masawang biru, bulun matanya giling, wyakti sisik wang mangkàna.

Ta, rare sisik, sa, batukàn [57b] ayam wiring, mwang tkaning hatinya, tusuk lan lidi sampat, 3, katih, apin nyane prang-prang angge mamakar, wus ratêng wehakna mangan wang ngagring, ma, ong sanghyang rêdityà ulan lintang tranggànà, kaliliran dening angin, syar apaddang, rah waras, 3.

Ta, rare sisik, sa, peleti kayu putih, gulà, uyah arêng, tahap. Iki mantrànya, ong yang dewa apaksakaken, dewa pinaksakakên, tka pugpug punah, 3, sandi kedêp mantrànku. Mwah makà pupuknya, sa, rwaning bungkak samsam, ckuh lanang, pupuhkna siwàdwaranya. Mwah sêmbarnya tuwêd bawùnya, sa, sindrong dene tangkêp, sêmbarakna.

Ta, rare sisik, sa, ayam wiring pinanggang, cêmcêm pakawone, sujen [58a] pugpug, we susuning wong mànak apisan, ma, ong ong candrà raditya, mundura kiwa tngênku, wentên asrahingkna, ma, ong catthi, 3.

Ta, rare sisik, sa, rwàning myana irêng, puhakna soccanya, ma, ong cacing kapuluku, padda mattha mati, 3, kedêp sidi mantranku.

Ta, rare sisik, sa, sêmbung gantung, kunir warangan, lêngis tànusan, takêh padda macangkir, kasunà jangù, tahap, ma, ong candrà rêditya ring mukanku, matwanku ta kasiliran putêk, matanku tan kaliputthaning lamur, sungsang caliring, 3.

Ta, rare sisik, sa, sik hanyar, rwaning lajà acarang, puhaknà irungnya.

Ta, rare sisik lêngis, sa, wêding udhaning sakawit, kayu sugih sêkawit, triktukà, [58b] pinipis, wdakna. Ma, ong sang nytu putih, tumraping balu putih, bhatarà guru sakti, cap mandi, tka tawar, 3.

Ta, rare sisik, sa, liñjong suren, ktumbah, isen, triktukà. Sisingêlnya, bawu skawit, triktukà, arapakna bawunya.

Ta, rare sisik, sa, hatin gadaggàn, hatin ayam buwìk, gintên cmêng, pinipis, pupukàkna sabagi, inum sabagi.

Ta, rare sisik, sa, pusuh campakà jnar, 11, kàith, ajêngan aworin toyà, pipis, usur panghning, tutu irungnya. Mwah panwêd sisik, sa, paripih tömbaghgà, marajah, mapindà bhàlibis, manguluh cacing, talinin de bnang tridatu, kalungakna wong rare, tunasin toyo ring bhatarà bràhmà, canang lêngawangi [59a] buratwangi, atanding, ma, crowah-crowih, nyanyah monyah, 3.

Ta, rare curêk, sa, tmukoñci, triktukà, lêngis tanùsan, kinla dening krang, puhaknà karnnanya.

Ta, rare karnnanya curêk, sa, wading glagàh, wwading paci-paci, bawang ngadas, pinipis, puhknà karnnanya.

Ta, rare karnnanya curêk, sa, rwaning sasuruh lanang, rwaning padang rase, tmu gongsyang, we jruk linglang, kinlà sadàranà, puhakna karnnanya.

Ta, rare jampi, sa, wwading silagwi, akah bayêm lmah, wwading pulêt putih, bawang tambus, pinipis, tahap.

Ta, rare jampi mawatuk, sa, dhluwang krêthas gsêng, pet awunya, we banyu ni ktan barak, inumaknà.

Ta, rare sami jampi, sa, carmman nangka-nangka, carmman tuwi putih, nyuh tunu, wijen putih [59b] wenya gadbong, pinipis, tahap.

Ta, rare harêp amangan, sa, wwading slàgwi, muñcuk sêmbung, 3 muñcuk, bawang tambus, pinipis, tahap.

Ta, rare wtêngnya bêngkà, sa, sumanggi gunung, kunir, lunak, don pepe, tingkih, adas, bawang tambus, pinipis, arapakna wangkongnya.

Ta, rare mutah-mutah, sa, kunir, ckuh, majakane, majakling, uyah uku, adas, sêmbar ulun hatinya mwah wtêngnya.

Ta, rare brag, sa, yuyu matah, micca, daringo, pinipis, arapakna wtêngnya.

Ta, rare watuk kiningan, sa, wwading blimbing wsi sakawit, triktukà, sêmbar bawunya, mwang dadanya.

Ta, rare krawitan, sa, sumanggi gunung, we cukà, pinipis, arapaknà.

Ta, rare sisik, sa, akah joli, akah silagwi, tùnu, cakcak, bawang ngadas, uyah arêng, we [60a] bras, inum.

Ta, rare beseh, sa, kapasilan kakarà, ring kabang kakawà di temboke, arapakna siksikanya.

Ta, rare saban, akah pulêt, kunir, tmukoñci tmugiri, sêmbung bawang kasunà, pinipis, tampêlaknà siwàdwaranya.

Ta, rare klar nangis sadina-dinà, tiwang tumroretthan, nga, sa, ngkêt tahêp, salimpêtakna kang rare.

Ta, rare klar nangis rahina wngi, sa, we acedok, tampesan ring capcapan pawone, caddangin kuskusan, tunasan ring bhatàrà bràhmà, anggon madyusin rare, bantênya tumpêng bang, adanan, alêdnya endong bàng, tkanning sampyannya, iwaknya ayam wiring kuning pinanggang, canang atanding, rakanya nyanyah gti-gti, skàr bang, aturin bhatàrà bràhmà, raris dyusin wong rare.

Ta, karogan-rogan, [60b] sa, tulis talapakan tanganya, suratnya mapinda raksasà, ma, brawoh sahyah gah, litsyahà.

Ta, rare iñjo, sa, rwaning tlêng putih, rwaning kacêmcêm putih, we wrak, pinipis, wdakna.

Ta, rare iñjo, sa, don kêm, kameri, adas, uyah uku, pinipis, wdakna.

Ta, rare iñjo, sa, kapkap leko, tmurose, isen kapur, pinipis, we asaban candanà, wdaknà.

Iti pangraksa jiwaning rare, wawu mtu, tabunan madaging api, ma, ong ghni murub sakalangan angsêng raroroggà, dhandà upatthà, salwire akira-kirà halà, makadi tuju tluh tarañjannà, sami kalukat denira bhatarà bràhmà, ong sidi rastu nama swahà.

Iki sarining tatulak irà yàng rudràghni ikà, [61a] sa, tabunan, mantrahin, ma, ong ang ung mang ang, ang saghni pañcabràhmà, wijayang prêbhùta banaspatya, ong ang mang, siwaghni bràhmà, yogi, sapramasidhya, sarwwa leyak basah, winasakya, ong yang bràhmà mùrtti sakya, halà papa winusaya, ong mang pañca yasa mùrtti saktya, pitra beda winasayah, ong ang ah, bràhmà kundà wijaya, prammà sakya, mrêtyu jiwa beddà satma, winasayah, papa saktya, mang ong ang kayà namah, mang ung mang tri dewa dewata nyanasadya, sarwwa gama ya nabda siwya, ong mang idêp, suci nirmalà, suksmà nyana sapramanna, ong yang paratatastrà dibya prama lingga, ong sasaddya ya nama suddà.

Iki pangêmban rare, mwah pangraksa jiwa, sa, lontar tulisin mantra, gnahakna ring kumbara, ma, ong ang sanghyang ali-ali, sapucana sanghyang wosàddi, [61b] amêpêk bayuning rare, amêpêk tejà, amêpêk apah, amêpêk idêp, tan krekasya ugêring mùrttikanya, saywanà malanggêng ring umahe rare, sakuwu-kuwu, homatta,jêng, 3.

Iki pangêmban rare, ma, pukulun sanghyang nora tudùh, yang bhatara guru, anuduh i cili marekà, angêmbanàkna raren hulun, yenanà halà paksane, sadhudu minakà gawenta, sang rastu punah, kang wisya upas, tuju tluh tarañjanna, pommà, êmban raren ingsun iki, kewalànù urip-urip, sarastrà, pommà, jêng. I ratuning tatulak, nga, bràmmannà kama rare, sakwehing dùrjjanna, mwah durggà dhùrjjannà, sami padda kondur denya, sa, lontar tulis mantrà, gantungakna luhuring rare atùru, pinakà [62a] anggon panulak sarwwa baya, ma, ang u, yang, u ong samijil ni manik marekà, padda angömbananà olih sanghyang saraswatthi, kaslêhan sanghyang taya ngraksà ring wnginya, atapakkan danda, dhàta dharmmà cintya, ngraksa ring rahinanya, atapakan sangyang sùryya sewana, kala mrêtyu jiwà, mangraksa ring sandyakalà, atapakkan sanghyang pwannà, siwa mùrtti druwe rare, atapakkan padma sari, masirira wilis, luput wani sapakriya sapahalà, tan kasimpanganing sarwwa wisyaning wighna, awak rarenku si koripan, kewantên hurip-hurip, tka, jêng, 3.

Iti gannapati, nga, pingitakna iki, piknanggen panulak sarwwa bayà, sa, we asibuh skar madhuri putih, siratakna, ping, 3, yan ring wong larà, mantrà ping 3, yan rare, lungha iki wnang, anggon mantrahin.

sumber: Sastra Unud – cakepane.blogspot