Carcan Mirah, Kecubung dan Batu Permata

Carcan Mirah, Kecubung dan Batu Permata

Disi akan dikupas mengenai kasiat dari berbagai permata lengkap dengan ciri-ciri dari permata tersebut. Informasi ini bukanlah sembarangan informasi, ini didapat dari mengutip Lontar Bali (Buku Kuno yang ditemukan di pulau Bali) dimana lontar tersebut berjudul Carcan Mirah Miwah Batu. Sayangnya lontar ini belum sempat diterjemahkan kedalam bahasa Indonesia, disamping waktu juga dalam pencarian padan kata yang sangat susah. Semoga kutipan Lontar (Buku Kuno dari Bali) ini bisa bermanfaat bagi anda.

Om Awighnam Astu Mano Siddham Swastiastu Tat Astu,

Om Narayana, Om Saraswati Jaya.

Om A No Bhadrah Kratawo Yantu Wiswatah.

Mirah Dewa

• Ratna Sewala, Mirah putih mateja biru. Kewengangan mejaya – jaya.
• Mirah Surya Candra, Mirah masurya kembar, sarin tanah genah Sang Nakula matapa, utama anggenn malelungan muang anggen ngastawa Ida bhatara Tiga Sakti.
• Pada agung, Mirah bang masawang ireng, mahurat putih kadi padma, maka telu selem. Utama dahat, anggen gagelaran dipakurenan, panglipuran, sihing widhi.
• Manik Maya, Mairah marupa kuning, utama palinggyan hyang siwa tiga, pengasih dewa manusa, arang mirah iki.
• Tri Nadi Susema, Mirah kuning mateja kadi mega ngarangkaratwi, penganggen sang ngawarat.
• Manggala Ratna Ulan, Mirah putih kuning mateja kadi tunjung kuning, nyatur manyeleg gading. Panganggen Mangku Khayangan Tiga.
• Kakabang sarat kepla, Mirah mateja bang maklyab putih masawang tangi, makukus putih, wenang gelarang mebakti ring pura – pura.
• Tataka SIB samudra sara, Mirah kuning mateja putih makuku kadi kombak, utama ika, wenang anggen mebakti kesegara, yadyan ring pura dalem muang ring surya.
• Ratna Kamuda, Barak abawa tangi, anggen mabakti
• Kakajang Sarat Pepage, Mirah mabawa tangi, abang nguda makliab putih makukus putih, wenang gelarang mabakti kepura.
• Mirah bolong yadiyan rengat, maka busanan hyang batara siwa. Maga anting-antingnia wantah sarining gunung ika. Dahating mahotama, guna ngerangkep.

Mirah Cempaka

• Cempaka, Mirah kuning maswat/mateja bang. Wenang penganggen sang putus, wiadin pemangku widhi.
• Merta sajiwani, Mirah cempaka pelung maserat putih muang bang, matunjung kuning majajar, nguda sendana ngaran, druwen Hyang Nila Kanta, wenang anggen pamunah wang kena upedrawa wuang kena coor.
• Rambut Sedana, Mirah cempaka wilis, gadang terus, mateja mas rainadi rambut, utama dahat, wenang anggen pengasih muang pengastawa Ida Ayu Swa Bawa ring khayangan melanting, sane kaloktah ring para dagang.

Saluwiring Mirah Saliwah,

• lengi widya utamaning utama. Penganggen sang pandita. Maka serana mereteka sawa, wasuhnia maka pangentas, agung alit utama kahutamaning mirah saliwah. Yan duke urip, memati – mati, anyetik, angracun, anesti, aneluh, anerangjanna wiadin ngerabinin wong arabi pari purna denia.
• Mirah warna telu: bang, putih lan ireng, penganggen Sang Pandita ngaryaning Tirta Pangentas, angentas patemoning wang pejah, mangda polih swargan luih. Sehananing dosanning dosania duk kari mahurip kapuput punah denia. Wekasan manggih swarga luih tan keneng neraka palania.

Widuri,

• Widuri, Mirah dadu macelek gadang. Pemangku wenang nganggen.
• Mirah madu, mahewat putih. Penganggen anak istri. Wetunia ring dina Anggara.
• Widuri Nasika, Mirah tangi marupa dadu yadiyan macelek tangi, matutuk ireng wenang anggen mebakti.
• Maduri Mirah bang macelek putih, druwen batara sambu. Pengangge sang mahoton dina sukra.
• Widuri, Dadu macelek barak, angge momon wenang.
• Widuri Kresna, Ireng macelek putih, angge momon wenang.
• Baduri Segara, Mirah biru maserat benang akatih. Anggen sang sane moton ring dina Sukra Umanis.

Kecubung,

• Mirah Kecubung, Mirah dadu macelek tangi.
• Kecubung Kasihan, Mirah putih mabawa tangi. Penggen sang maweton ring dina Wrespati Klion. Palania; angilaken wiguna, wenang anggen meadolan.
• Mirah bang biru warsi matelekpek kacubung kasihan, tan keneng neraka.
• Mirah Kecubung Tangi abawa bang, bang abawa tangi.

Manjangan Bang,

Mirah bang macaya dadu kumedep, yan genahang ring toyane bang ikang toya, iki mirah utama. Asingan manemu liyang denia tan kirang arta berana temahania, dewa widi manusa sih denia.

• Manjangan bang Mirah barak makeliyab kuning kadi surya. Mirah adi ika. Utama dahat.

Mirah Sutangsu,

• Katattwania, duking sang Panca Pandawa nangun tapa semadi ring gunung mandara, ana mijil gni putih ring ajeng ida, marupa manik putih, matemahan manik maya madyut kadi biyanglalah, metu kukus teja kadi dammar, magurat ijo. Wenang angge nulak musuh mawisesa muang bucari.
• Sitangsu, jagasatru, Mirah kuning mateja kadi malahalah tur madyut kadi netraning mageni kesari lan makukus. Ika sarin tanah, genah Sang Arjuna mangun tapa, maka panulak satru.

Kresna Dana,

• Mirah ireng mahening kumedep tan peletuh, masinar kadi surya wawu ending, mabiyanglalah tur makukus kadi tejan dammar. Luwihing mahottama tan saman pada.
• Rupania gadang mawarna tiga, surya tiga ngaran. Masinar kelawu, gadang, ireng abiyang lalah, bang makliyab kuning muah putih ika jati mirah luih utama, pengagen Sang Ngawa Rat, ngawa pajak, muang sluwir karya. Wenang anggen wenang dadi mapengaruh saparania, tan kirang raja berana, kadang mitra rep, asih denia sidi wakya muang guna.
• Mirah Kresna rupania ireng abawa kuning, gadang. Wenang anggen mayoga.
• Mirah Kresna ireng makliab putih makedep bawania masemu gadang, iki luwih utama, sekarya wenang angge.
• Mirah Kresna Murti, Mirah ireng mesawang ijo biru tur mateje hening, yadyus putih kadi netraning mong, metu kukus kadi teja, kadi dammar malih ditengahnia katon kadi bintang kartika, mawigangga solas warna. Dahating motama, penganggen sang Ngawa Rat.
• Kresna Dana Makukus, Mirah dadu mateja kuning nguda, makukus pasangur…….. gadang miwah ireng. Mawat mali maselekan; Utama. Ika wenang anggen ring sang maweton ring dina Anggara Umanis.
• Kresna Dana Sadewa, Mirah gadang macelek putih, mawat gangga mahileh, wiadin putih maswat; ong dirgahayu. Penganggen wang utama, rastu tirta ye namah. Penganggen sang mahoton ring dina Saniscara Paing.
• Kresna Dana Payudan, Ireng makedep ireng terus mabawa putih sekadi tejan dammar, Utama dahat. Druwen para Hyang Wisnu juga ika. Wenang anggen payudan.
• Asti Kresna, Mirah gadang macelek dadu, penganggen sang moton ring dina Saniscara Umanis.
• Narayana Mirah ireng kumedep madyut biru, masuwet kuning maburat kuning kadi kalimayah, siwa sekala ika, utama. Penganggen sang putus muang sang mawa rat, palania asih wang kabeh, duluri bakti ring Hyang Siwa muang Hyang Tiga Sakti.

Windusara,

• Mirah bang putih maklyab tangi, dumilah metu kukus. Utama dahat, panulak satru, kemit tuwuh, anggen momon ring sawa. Malih, mange pangijeng karang muang panulak manusa sakti, apan windusarane taler sarin tanah genah Sang Bima mayoga.
• Mirah Tresna Windu Sara, Mirah gadang wayah tur hening cahayania, madyut ring tengah, ngadar kadi kukus, Utama.

Mirah Indra Kila

• Mirah biru makliyab putih, bang, wenang angge pasikepan ring raga.
• Mirah biru nguda, wenang angge mebakti muang maboros.

Mirah Adi,

• Mirah bang masurya dumilah (mateja kadi surya). Ika anggen pakemit raga muang pakurenan. pangange wang istri.
• Mirah adi, Mirah ireng maklyab dadu, …………angilangaken sarwa letuh maka pangelukatan.

Mirah Nila

• Mirah anom rupania mabawa abang, masawang sada dadu, nila pangkaja ngaran. wenang anggen semeton dina Buda.
• Mirah Pangkaja, Mirah biru mateja ratna masawang dadu muah bawania tangi.
• Nila Gni, Mirah bang maklyab putih, mateja tangi, makukus putih. Utamaning luwih.
• Nila Kanta, Mirah putih maketel selem. Wenang anggen sang mahoton ring dina Redite Wage.
• Nila Wara iki Mirah selem mateja. Cempaka selem makuweh pengaksamania, sidi anggen nambaning salwiring gering.

Mirah Kebo Sakunang,

• Mirah kelyab putih metu gni murub, macelek sada jenar. Anggen wang istri buduh, waras denia.
• Rupania putih mahening mateja kadi surya, ring tengah tejane masemu bang kadi bintang kartika, utama iki. Wenang anggen Sang Istri madolan, yan Lanang tan mari buduhing pawestri.
• Mirah kebo kunang-kunang, ireng dumilah macelek kuning anggen ngubuh bawi.

Mirah ulung,

• ireng makedep, manik maya bang kadi geni murub, utama. Wenang anggen maka panulak baya ring marga.
• Waruna Sadarana, Mirah ireng makelyab putih mateja barak masuat – suat. Dewania Bhatara Siwa. Anggen ngubakti.
• Mirah ulung, Mirah putih abawa bang muang ireng.

Padma Kasa,

• Mirah abang slatu-latu kumedep
• Mirah padma agung, Petak kliyabnia mider rupa bang, terangnia semeng tiga warna.
• Padma Raksa, Mirah putih mateja dadu. Wenang ngraksa ubuh – ubuhan muang maka penawar, ambil toyania.

Mirah Jaga satru

• Mirah gadang kadi buah anggur matemah manik maya ring tengah mateja geni murub kadi bianglalah, utamaning utama gagelaran yadnya
• jaga satru, Gadang matrawang kuning, yadyan matrawang bang, utama. Saluwir tapaking pande punah tan mintulin, lumah kawisesan manusa punah denia.
• Jagasatru, Mirah ireng maswar – maswer lalima, kuning – kuning. Wenang gelarang mayuda.
• Soca putih lawat saking arep mebalik, utama pemalik pekrya ala.
• Benang Sawel, Mirah putih masawang biru medasar bang, masurya putih kuning masawang bang muang ijo. Ring tengah bebed kadi benang tur macelek kuning. Luih utama, wenang anggen pekakas luih, wenag maka penawar gering sakeluwir, tan malah dening gunaning wong mawisesa muang saluwiring pakerya ala tan ketananing letuh, wenang ngawa kena salewir karya, rahayu saparania.
• Mirah mateja putih, masuat agung dumiluh, maka pengangkeb musuh sarwa satru winasanam, pengabaktya musuh te ring ngeka.

Ratna Rupa,

Mirah putih kuning mateja telu. Anggen pangglukatan wong agering.

Mirah Jilih,

Mirah putih makedep yekok yadian banjo, mateja kuning, ring tengah makedep putih, dyutnia kadi inten, wenang buntil disabuke, anggen pangraksa jiwa.

Mirah Rukma Rata,

Mirah bang makedep, kantannyane nyemporot, kadi sang surya wawu endag, yadyan genahang ring jembunge medaging toya katen barak toyane. Mirah ayu palania tan ketamanan sarwa sangjata sakaluwir, satru welas asih. Toyania wenang maka pangeleburang malaning desti.

Mirah Kastuba, Mirah putih abawa tangi, wenang angge penawar gering.

Mirah Mata Kucing,

Mirah gadang kadi buah anggur matemah manik maya, ring tengah dumilah ngencorot.

Kesuma Wira Natha,

Mirah biru mateja bang kadi gni murub, mahulu tejania, utama luwih.

Banyu Mertha,

Soca bang marupa batu alit kadi jagung kepus, kaniyang ring gok taru ageng. Gagelarang Sang Prabu.

Mirah Parta Widya,

Mirah ireng makedep madya putih, mahurat kuning kadi sangket, misi hurat besik kuning, mateja ijo muang biru, maseter kadi kadi namu-namu, metu geni. Ika dahating utama, penganggen anak ageng.

Mirah Bayu,

Mirah kadi getih dumilah tan malah-malah metu kukus matemahan manik maya, maka sarin tanah, genah dewi kunti nangun tapa, utama dahat ika.

Mirah or geni,

Rupania bang mateje ireng

Manik maya,

Mirah maseter barak. Luwih utama palania, pengasih agung.

Mirah inten rupania putih,

warnaning mataya kuning madyut kadi berlian, kadi bintang kebyat-kebyut. Utama anggen ngastawa widi muang pedagangan.

• Mirah ireng, mamedep makudang – kudang, macelek putih. Wenang anggen sang maweton ring dina Buda Umanis.
• Mirah kadi batun delima, mawarna putih, barak nguda, kuning, ireng, biru, ungu, yadyan alit cekak-cekok. Iki twi sarin tanah, sarin toya, sarin sinar. Ika madurgama ngerangkeo.
• Mirah hijo maten, pirus, jambrud, sapir biru laut, sang maotonan dina Buda Wage wenang ngangge.
• Mirah marupa ireng makliyab bang, maseret, dewania Bhatara Siwa. Wenang maka kalung sang amhoton ring dina Wraspati Klion.
• Mirah manten ring sor abawa dadu, muang tangi wenang anggen medagang.

Bangsing

• Bangsing ireng masorot putih, mahuwat-uwat, bangsing asli
• Bangsing ijo manten, gdang abawa putih, bendega wenang angge.
• Soca ireng kumedep kadi sisik be, pakerenyeb. Utama, makweh pangeraksan.

Besi

• Besi kuning lanying, kaniyang disebun titiran, wenang anggen pangeraksa jiwa muang tetamban.
• Besi kadi kawat, kakeniayang ring punyan pisang sane misi pusuh, wenang anggen pasikepan, kweh paneraksania.

Batu Bebed,

• Batu bebed saling tumbak, bebed tu ngaranung, panulak satru skala niskala.
• Batu gadang mabebed barak, mange pangasih anak istri.
• Batu selem mabebed emas, gengnia kadi rambut, utama. Anggen pasikepan raga.

Batu/Manik

• Manik pat meraksa Kayu marupa batu, bakat ditengah kayune ageng, wenang anggen pengasih.
• Batu medaging besi kadi metempelan, utama. Wenang anggen pangimpas cetik muang bucari.
• Batu yan bakat dibasang lelipine, ring naga. Utama iki.
• Saluwiraning batu mawat besi, perak, mas, tembaga, kuningan, timah wenang anggen ngalahang durjana. Yania kayu mamatu katonia kadi batu maka pasikepan raga.
• Mustika kopine pateh ring besi kuning wigunane. Kadi warna kopi pakedep-dep, anggen pangimpas agung.

Kules

• Kules lelipi maibatan diduwur baleen, utawai diduwur umahe utamia wenang anggen pasikepan maperang tan katon dening musuh ta.
• Kules dongkang kakeniyang nuju dina soma klion byantara, wenang anggen tamba salwir waras denia.

Gesing

• Kepasilan gesing, Yan wana gesing tunggul, yan hana gesing mentik ring tengahing gusing tunggul. Wenang anggen matetamban.
• Gesing nyungsang, Saluwiring gesing bukunia mebalik, wenang anggen pasikepan, maka pemalik sahananing pakarya ala.

Penyalin (Rotan) mabalik bukune pateh kadi tiying, sungsang pakenehne.

Saluwir sane kanten ngendih rikala wengi, yania keniyang utama, wenang anggen pengimpas tur karwat pilarania, yen anggen pangeleb toyan pangentas, mapan druwen Sang Hyang Siwa ika. Wit magenah ring Gunung Mandara Giri, kapingit antanawasanga.

Caling duyung wong, maka pemunah saluwiring wisia, cetik, racun punah denia.

Kukun lenjong klesih wenang anggen ngentas anak sakit, kena bebai, penempur upas, sarwa mangan, sarwa gutil.

Tanduk asu campur lesan kelor anggen ngemit pakurenan.

Benang wiadin kapas diumah nyawane yadian ring madunia, wenang maka pengraksa jiwa muang pengasih agung.

Batu bolong, buluh empet, les kelor maka pengimpas tan kasor ring musuh. Nanging pasupati dumun ring prajapati.

Les

• Les dadap warna tiga luwire putih, coklat,kuning. Wenang anggen pangijeng umah, maka pengasih widi. Wasuhnia maka panglukatan.
• Les jepun warnania ireng, putih wenang anggen pengastawa widi, sang hyang rudra asih, jadma manusa sih.

Iki sarwaning taru mahotama, ngaran:

Gaharu, Cendana, Brahma siwa, Peradah, Kaswa, suleman, Manengen, Cendana jenggi, Majegau okang, Midara, Jelema, Pahang socane matemu, kepasilan tiying, Kayu areng lan Bun sinempet.

Kepasilan utama luire:

tiying, dapdap, jagung, gedang, kesela sawi, keladi, jepun, kopi, duk sundul lan papah sundul.

Besi mahotama:

Besi kuning, besi tawar lan besi belek.

Manik mahotama:

ringin, kentang, cekuh, delima, kakul, kelor, tombong, beluluk, beras lan toya.

Tulang mahotama luire:

warak, buaya, duyung, buron tukang, manusa lan lutung.

Batu mahotama:

Batu makocok, batu medaging toya ring tengahnia, medaging emas, perak, besi, batu brumbun, batu bebed lan batu gedang lumut ngaran Naga Swi.

Akik mahotama:

Madu, suleman, darah, anggur lan mawar.

Banten Labania saluwiring mahotama:

Segehan barak akepel, segehan sasahan siya tanding, canang sari, pemanisan. Katur ring Bhatara Sakti Tengahing Segara.

silahkan baca juga:

• Carcan Siap Tajen dalam Lontar Pengayam-ayam
• Carcan Mirah - arti dan Makna Batu Permata di Bali
• Carcan Asu (cicing) mengenal sifat anjing Bali
• Produk Pasupati - pelengkap Ritual Adat Bali
• Orang Bali WAJIB ketahui Hal ini

Semoga kutipan dari lontar ini dapat bermanfaat bagi kita semua, terutama para penggemar batu permata.