Lontar Usada Kurantobolong 40b – 48a

Lontar Usada Kurantobolong 40b – 48a

Ta, rare cacingan, sa, gêtah kayu layah ombo, tok manis, arok kabeh, tahap. Mwah, sa, dapdap sakawit, kasunà tunggàl, jangu saguli, pet patinya tahap. Mwah sa, rwaning mandirà, bawang pinge, bangle, mamah jamboknà.

Ta, rwaning bwah, bawàng adas, we tuli wadahin siwur, wintên. Sasagi bras akulak, lawe satukêl, pirak, 225,, ring sanggàr amujà, ma, ong raya mati, cacing mati, krawitthan mati, kari sawiji panunggun [40b] hurip.

Ta, rare sisik, tan kênà mangan, sa, muñcuk kasimbukan, muñcuk pàñcarsonà, muñcuk udàni, kunir waràngan, lêri ktan gajih, tumukus, pinipis, wus rateng, tahap.

Ta, rare tan harêp àmangan, sa, myana cmêng, slasih mrik, tatahiwak, jruk linglang, we cêndanà, lêngis tanusan, santên kane, uyah uku, kinlà, wus ratêng, tahap. Mwah makà wdaknya, sa, umbin pas-pasan, padàng lêphas, lunak tanêk, tmutis, uyah uku, pinipis, wdaknyàknà.

Nihan saprêtingkah ingambil usaddà rare, apang nyidra rumawas ring swacandrà bàyu prêmannaning wong rare, kaya iki phawilanganya. [41a]

Mwah yananà rare kalaràn, yan katon putihing socanya birù, tkeng sukunya nyêm, tangisnya srêt, tur mangliyêp, asrêp rare ikà, angàpa gringnya blahan, hana tambanya, sa, sêmbung kdi wwaddingnya, gamongan, maswi, bràs barak, pinipis, tampêlaknà siwàdwaranya, mwah maka wdaknya ragganyà, sa, bwah base, wangkong naggàsari, jbug arum, we idhu bhàng, wdaknà, mwah aràp siksikànya, sa, umbin tuñjung putih, ring adas, arapaknà.

Malih yaning birù socàning rare, wàt socanyà atrà gtih, bayanya lêmper, tur ngliyêp, paran gringnya, panês tis laranya wong rare, panêsnya ring tulang [41b] giying, tambanya, sa, wwading sêmbung, tmu koñci, gamongan kêddis, bras putih ne tilêh, 30 bsik, pinipis, tampêlaknà siwàdwaranyà.

Mwah arap siksikanya, sa, wwading dàpdap, isin tingkih, bawang ngadas, pinipis, arapàknà.

Mwah yan masawang gadding, putihing socanya tur marawat-rawat gtih, bayunya pakêbêrbêr, lamben patropos, paran gringnya, panês gringnya, gwam, nga, ikà tambanya, sa, batun katimun gantung, woh paspàsan, subatah jakà, wong papah lidhung, kuskus sammi, lalodoknà.

Mwah wanggwang bawùnya, sa, damuh ayà, bungàn maniñjo, isin tingkih, pinipis, nghing [42a] tambusin, tahàpakna.

Mwah arap wàngkongnya, sa, wwadding paku jukut, emben canging, bawang ngadas, pinipis, arapaknà.

Ta, rare gwam, sa, pijêr cinà panggang, wus ratêng, wehing didih jakàn, lalodokna. Mwah makà wanggwangnya, sa, kayumanis cinà, taluh tamuyukàn, bawang ngadas, wanggwangkna. Mwah makà arap wangkongnya, sa, umbin kayu tawa putih, umbin paspàsan, bawang ngadas, pinipis, arapaknà wangkongnya.

Ta, rare gwam, sa, sabatah latêng ngyu, sabatah pênyalin, sêbatah jakà, sammi ikà magoreng, antuk lêngis tanus, [42b] wus ratêng, olesaknà cangkêmnya.

Iti pangtêtngêr ràre tiwang, mangdà wruhakna, yan ning bngàh raganning kang rare, tiwang brahmà, nga, rwaning dapda ne nguddà, êmpol andong bang, bras bàrak, triktukà, pinipis, wdakna.

Mwah yaning kêkêh awaking rare, tiwang bangke, nga, tambanya, sa, rwaning limà, tmutis, we candanà, wdakna.

Mwah yanya landas-londos gringnya, tiwang be julit, nga, tambànya, sa, wwadi papron, pàdang kalyan, kasunà jangù, pinipis. Yan ya ngakês-akês, laranya, tiwang mang, nga, tambanya, sa, rwaning tubà jnu, sakawit, rwaning bilà [43a] sakawit, triktukà, pinipis, wdaknà.

Mwahnya pakêjutjut awaknya, tiwang pnyu, nga, mwah kukul tanganya, matanya kabangan, wyakti tiwang pnyu, nga, tambanya, carmmà crême, jbug arum, mnyàn madhu, lungid, sindrong gêgambaran, we arak, pinipis, wdakna. Yan ya mangênyêb bdàk cangkêmnya, ya tùr mangakês-akês, cangkêmnya, tur mangakês-akês bdak ya, bulùnya jring-jring, rambutnya akas, tiwang ngasu, nga, sa, umbin sungsang, carmman buni tahi, rwaning pangi, bawang ngadàs, pinipis, wdakna. Yan ya ksat mata ni rare, tur ngamikmik, tiwang lutung, nga, tiwang kambing, nga, tambanya, rwaning jruk [43b] linglang, miccà, triktukà, pinipis, we bras, wdaknà.

Mwah ya kabeleng, tur ya mangrik, tiwang jaran, nga, tambanya, kayu kêndal, carmman kayu putih, rwaning bukà samsam, triktukà, pinipis, wdaknà.

Mwah yan ya tan pabayu awaknya, tiwang, nga, sa, wwading nyuh gadang, rwaning jruk linglang, sindrong den àsangkêp, pinipis, we candanà, wdaknà.

Mwah yan ya kukul jarijin tangan tkanning sukunya mwang pagurape, tiwang gurittha, nga, tambanya, wading bhàlatung lot, rwaning radda margà, bras barak, triktukà, pinipis, wdakna.

Mwah rare gring manangis, rahinà wngi, raggàn [44a] ne kjut-kjut, tùr mangêbêbêr, tiwang kupu-kupu, nga, tambanya skar suddàmalà, bungan gumitir, ra, sarilungid, pinipis, we candanà, wdaknà.

Mwah yan wddànanni rare àsmu bàng, tiwang ngalimlim, nga, katuwuk kêkêh, laranya, olih dening pitrà àngalarànin, sa, wrêdayaning lajà, lampuyang, bras barak, kasunà jangù, pinipis, we banyun bras pinge, wdak.

Mwah yen manglujug-lujug, wadhuknya, tur pagariyam, tiwang garittha, tambanya, wading kelor, wading dapdap wong, ra, sindrong wayah, we jruk linglang, we candana, patinya inùm, àmpasnya wdaknà. Tingañcuk ring nabi, tambanya, wwading tuwung bolo, [44b] wwadding lalang, kasunà jangù, pinipis, ra, sindrong wayah, we jruk linglang, we candanà, pusêraknà aworin idhu bàng.

Mwah yanya mutah mising laranya tiwang blabur, nga, tambanya, kapkap lekong 7 lêmbàr, kpasilan juwuk gdene 7 bidàng, awon, lêngis tanusan, musi ajumput, triktukà, we mrêm, pinipis, patinya inùm. Mwah ampàsnya wdaknà.

Yan tiwang mangan ring udêl, larannya tà tiwàng tikus, nga, tambànya, sa, rwaning samwan jahì, kasunà jangù, mriccà, pinipis, patinya ika hàywa ininum, pusêraknà udelnya.

Iti patngêran rare ring swacàrmma kurungàn, l[45a] wirnya, rare panês tis, awasakna carmma kurungan. Mwah swacandra ni rare, mwah ring socanya, yan ya putihing socanya, asanding biru, tùr masawang gading nentranya, waspànya mtu panös, wyakti panês wang mangkanà.

Mwah yan masawang gading netranya, rawuh kàhanak-anakan soccanya, panês wwang mangkànà.

Malih yaning mabwah-bwah raganning rare, bulun awaknya jring, rambutnya àkas, lambenya ksat, yan ring tanganya mtu bayu adrês, pakabêrbêr jatì panês laranya.

Mwah yanya bayu ring daddà pakàtugtug, mwah bayu ring irung mtu panês, lambenya ksat, jarijin tanganya nyêm, panês rare ikà. [45b] mwah yan putihing socanya bhiru, ikng bayu ri irung nyêm, asrep rare ikà. Yan jrijin batis nyêm, kasrêp kapêndêm ikà. Yan bayu mtu ring irung panês, jrijin batisnya panês, kukunya masawang bang, panês trus ya. Mwah yan jarijin batisnya nyêm, mwang lambenya sadda ngêp, asrêp trus wang mangkanà.

Ta, rare tan harêp mangan, wtêngnya nyantung, sabahà bsêh ring jro, nga, tambanya, sa, myanà cmöng, slasih mrik, we jruk linglang, we candanà, lêngis tanusan, sadranà, uyah uku, santên kane, kinlà, wus ratêng, tahàp.

Ta, rare tan harêp àmangàn, sa, wwading silàgwi, sumbanggi [46a] gunung, tmutis, sarilungid, bawang tambus, iraggan ktan gajih, sami kuskus, wus ratêng, saring apang hning, tahàp.

Ta, rare panês tis, laranya. Tambànya, sa, gamongan, càndanà, tingkih, bawang ngadàs, rwaning pule ngùddà, pinipis, we cukà, kinlà, wus ratêng, usug wang làrà.

Ta, rare panês tis laranya, sa, gamongan, gandàpurà, lêngis wijen, we candanà, dadah, wus rateng, usugaknà raganing rare. Mwah puputnya, sa, gamongan kêdis, musi, lênga tanusan, sami tambus, wus ratêng pupuknà siwàdwarane kang rare. Mwah pàpusêr nira, wwading dapdap, jit kasunà, ring jangu, mica gundil, pinipis, pusêrakna.

Ta, rare [46b] panês tis laranya, sa, jbug arum, we banyun kêtan, barak, ktan putih, pinipis, wdakna.

Ta, rare awaknya bahêng, sa, rwaning andong bang, bras barak, bwah base, adas, pinipis, we candanà, wdakna.

Ta, rare awaknya ngêbus, sa, wading sêmbung, rwaning dusakling putih, tmutis, we sajêng banyunya, pinipis, wdaknà.

Ta, rare awaknya bahêng, sa, wwading dusakling putih, tmutis, lunak tanêk, triktukà, sêmbàr awaknya kabeh.

Ta, rare awakne panês, sa, rwaning sêmbung, bangle, tmutis, nyuh tunu, pinipis, we cànàna, kinla, wus ratêng, bablonyohaknà raganing rare. Mwah sêmbarnya, sa, rwaning sêmbung twà, gamongan kdis, bjêk antuk uyah, raris bàsêh, wus brêsih, sêmbar raga [47a] ni rare ikà.

Ta, rare awaknya grah mrapah, panês tis, tur mangùyang, sa, wading kön, wading pañcarsonà, bawang tambus, nyuh tunu, we iragan kêtan gajih, uyah arêng, tahap.

Ta, rare panês tis tur nguyang, sa, nyuh tunu, adas, we jruk linglang, bablonyohknà.

Ta, rare grah uyang, sa, pàspasan, padang lêpas, lunak tanêk, tmutis, uyah uku, pinipis, wdaknà.

Ta, rare grah tur nguyang, sa, wwading katepeng, umbin paspasàn, nyuh tunu, we banyu bayu, bablonyohknà.

Ta, rare uyang bukà panggang, sa, wadding kayu tulak, kayu pupug, wêding pole, klaböt, lunak, adas, pinipis, [47b] we jruk linglàng, uyah uku, tahap.

Ta, rare awaknya panês makuyàng-kuyangan, tùr blasak, bukà panggang, sa, wading kayu sangkà, wêding kayu pupug, wêding dusàkling, akah sêmbung, we limo, we candanà, pinipis, wdhaknà. Mwah lolohnya, sa, padang lêpas, lunak, bàwang tambus, we santên, tahap.

Ta, rare panês ring jro, sa, umbin paspasàn, adas, sari naggasari, sêmbar awaknya kabeh.

Ta, rare krasà panês ring jro, sa, wwadi silaguwi, wwading byu dang sàba, akah dalundung, pinis, we santên, tahap.

Ta, rare panês ring jro uyang, sa, muñcuk pañcarsonnà, wêding kamniran, we [48a] bayu, bablonyohakna awaknya.

Ta, rare uyang ngrasa panês ring jro, sa, skàr pañcarsono, rwaning bling putih, sakamulan, bawang putih, pinipis, we iraggan kêtan gajih, tahàp.

Ta, rare tiksnna kapêndêm, sa, we bligo arum, tmutis, bawang tambus, pinipis, puhakna irungnya.

Ta, rare sàbahà, sa, êmbung kutuh mahupin ring bawang matambus, wenya mànggon, iragan kêtan gajih, puhaknà mwah tahap.

Ta, rare jampi mwang sbahà, sa, iragan kêtan gajih, irisan kasimbukan, pijêr cinà, tahap.

Ta, rare sbahà, sa, lublub buu, lublub tingkih, iraggàn kêtan gajih, we candanà, jruk linglang, uyah uku, tahap.

sumber: Sastra Unud – cakepane.blogspot