Budaya Bali : Lontar Usada Kurantobolong 62b

Lontar Usada Kurantobolong 62b – 68a

Mwah yan rare [62b] manggih pati socanya, ya wnang mantrahin, sêmbar olih maswi, yan ring gnah rare aturu wnang mantrahin, 1, nga, ma, ong gannapati mijil saking lokàparasà, sadhum kawah lêbu pinara tiggà, satigà pati dening idêp, sang idêp mati dening pramana sunya, sang pramana mati dening tuwuh, sanghyang tuwùh mati dening prêmarttha, umibêrknà, maring sunya taya, atmahan sanghyang ganapati. Ma, ong sang bhùtà kwasatthà, ong ya nama satwa sarastra sinêmbah ri sang gannapatthi, wawu lêbur matmahan pratiwi, pukulun sanghyang rudrà daksanà, maka uripi tatulakku, ong sita hyang nanàma siwayà, ong sing bang tang yang, nàma swadhwa, ang saka ya namà swahà. I aji nùsup, wnang maka pangalah sarwwa dùrjjanna, sa, taluh ayam irêng, tanêm ring natar, ring paturon, dhurghgà dùrjjana sami kandàp [63a] denya, maduluran canang, ma, idêpira sanghyang mahadewa, yang bhatara wisnu, yang bhatarà narawàng, ri tungtunging rambutku, yang bhatarà mahadewà, ring tangan tngên, yang bhatara taya ring wunwunan, yang bhatarà siwà ring cantiking mùkà, yang bhatari mahiswarà ring bahu tngên, yang bhatarà brahmà ring bawù kiwa, bhatarà mahàdewwà ring tangan matatngên, atapakkan panguluning desti, mtu maring tananà, pamulih maring cangkêm, paidêp ring dewà padda sumusup, ring sarira, mtu bayu kadi gunung sumerù, atap ring madya ring akasà bhatara na rumaksa trus ring saptà pêtalà, bhatara wisnu rumaksa, tka pyak sakwehing bhùta kabeh, mtu kita wetthan, mulih kita wetthàn, mtu kita kidul mulih kita kidul, mtu kita kulon mulih kita [63b] kulon, mtu kita lor mulih kita lor, mtu kita bayu amañca warnnà, ring madhya mtu kita, mulih kita ring madya, ong siwa nirroggà, nir ptakà, nir upadrawà, bayu amrêttha sañjiwanì, sawwake ngari ngawake ulun, ong sapùrnnama ya nama swahà, siddi kedêp mandi mantranku.

Nyan pangalukatan, lara ring ragantà swang-swang, sa, we asibuh, skar madori putih, mwang skàr liligundi lanang, ma, ong sah kuta mayà tayà nama swahà, ong tayà manglêbur sanghyang gammayogi manglêbur ikang manah, sanghyang manah anglêbur idêp, sanghyang idêp anglêbur sanghyang sabda, sanghyang sabda anglêbur sanghyang manon, ong sang bhang, sanghyang upas krayap, upas dêdêk, upas barwang scà upas, tka lêbùr, ong sanghyang manon manglêbur upas, mlelà upas antu, upas brahmà, ctik balu nyah [64a] ulêr agung syama pada lêbur, upas warangan, upas karumani sami pada lêbur, ong kita upas tawun, upas puru-purù, akar gatêl, upas bùntakà, sara wtunya pada lêbur, ong sanghyang lêbùr, pisaccà dngên, paddà lêbùr yàswaddà.

Nihan balyane ring sarira, den kumawruhàkna sangawa kadharman, nawang usaddi, samangaran saratna lamalà, umungguh ring bayuna saratna wisesà, umungguh ri bayu ptak, ya anambaning bayu sunya, urip saduk aku larà, wruh ku màngaran bayu wisya, magnah ring pagantungane, mwah di papuswane, makadi bayu agni rupane, ya amulangin wisya, wisya ikang mulangin mrêtane, mrêttha ikà, matmahan dadi wisya, dadi bayu maling, yan mawêtu dadi baya larà, matmahan mangañcuk manunggek, mala umidêr, ya iku bayu [64b] ne putih, paling jro wtêng, samagnah ring tanêng, matmahan dadi larà gatêl, matmahan dadi wisya ika, yehnya matmahan makudus bayu nikà dadi lara gatêl, mtu gatêl kayekà, ya magnah ane ngambêl bayù ikà, glisnya punah wus ikà.

Iki pangawasan bayu larà, lwiranya mantra kayeki, maka usada bayunya, ma, ong ang sing ong mang ung ong, sanghyang indra kari sumpumakà, ong yang iswara ring sàbda, sanghyang mahisorà ring hati putih, sanghyang yammà ring cangkêm, sanghyang rudra ring usus, sanghyang brahmà ring hati, yang kalà sakti ri wadhuk, sanghyang sambu ring pahlêddan, sanghyang mahàdewa ring ungsilan, sanghyang siwà ring papusuhan, matapakkan kama pañca mala bhùta, sang bayu anoman ring tngên, bayu anggadà ring kawah, bayu [65a] anilàring ngampru, bayu sugriwà ring pupu tngên, bayu subali ring pupu kiwà, samana bayu nira kabeh, ong bwane pùrwwa yanti para dhanwet, ma, nama swahà, ong ksama bayu kunda ri nwonala swahà, ong sanghyang bayu mahamrêttha sañjiwani, swamàsing rat kasandandanan padha rumattha ring iwak sarira ni ngulun, ong sanghyang amrêttha sarwwadi nama swahà.

Nihan krammaning amlas rare, manunas pamlas ring bhatarà bràhmà, manunas toya acedok, bantênya canang buratwangi, lêngàwangi, atanding, taluh syap, 1, bsik, pjang ring longan. Raris tunden rarene nyêmak, taluh ikà, di sampune jmàkkà, raris turuhin rarene toya ikà, uli di galare, antuk panyapuh nyonyo ikà. Malih sa, bun kantawali, macakcak, dening rare bla-

[65b] s anggen msêngin nyonyon memenya. Mwah sa, taluh syap 1, toya mwadah sibuh, canang atanding, tunasan toya ring sanggar kamulane, taluh ikà tangkêb den guwungan, sarêng ne ngabà ring rarene, nyak taluh ikà, sampun jmakà, raris turùhin rare ikà, antuk toya ikà. Pangoles nyonyon memenya, sa, bun kantawali, acanggah, raris sosolesin nyonyon memenya.

Malih pamlas rare, sa, jinah 10 keteng, guntingin ring komarane, bantênya pras atanding, iwaknya ayam bwik pinanggak, pras ika dagingin kantàwali tlung guli, anggen mangusap nyonyon memene, jinah ika kon rarene nymak jinah ika, ayabin rare ika. Iti sasapan nyamprit twi nggahe nyamprit, ma, uh satompel, êdda mahi, ênduh, 3, tka lwar.[66a]

Iki mantran ngamatyang dharmma, ma, ah tka sirêp matan maling, tka sirêp matan dustà, tka sirêp, 3. Mantràn mangun rare, ma, ong yastangi sira lare tuñjung, asuci sira tka singlar. Mañjusan rare, ma, ong sadya tangi sira banyu magnakan, sarimuna jalanda magah, syakulah, jêng, 3. Mantràn nuwes ari-arin wong rare, ma, sdan alapên mrêtthajiwa nyannà. Mantra rare aturu, ma, pukulun dya ta bhatara hara, apomaha turu sira laren hulun.

Ta, rare anangis saddà klar, sa, kasunà jangù, ulig, basmakna rare anangis, ma, ong sarùsya jotangko manon, saprina siwa ya swahà, sapangnya bhùta kalà manusà kalà kasih, daitya dhandawà bhùta yak¨si, tumbal tuju gamarannan, taksu widhyadharà tka sàmmi padda wlasasih, mwah padda patuh, angêmpu jiwa rare ningsun.

Ta, rare nangis rahina wngi, sa, akah [66b] silàgwi, tmutis, triktukà, pinipis, pupukna siwadwaraning rare.

Ta, rare klar anangis rahina wngi, sa, abuning pawon, jumput, 7, jumput, ulig di dambar, taterekna gidatnya rare ika. Mwah yaning rare gadak, ma, ong byah udhat, sa, lontar surat mantra iki.

Ta, rare tan harep àmangan, sa, muñcuk sêmbung, sumanggi gunung, rwaning pepe 3, bidang, kunir, tingkih, pinipis, kinlà sami, we banyuning bras, inum.

Ta, rare matah-mutah, sa, kunir, ckuh, majakling, ktumbah, we bras, uyah, wedangaknà, wus ratêng, inùm.

Ta, rare mawatuk, sa, carmman gatep, nyuh tunu, gulàsawi, uyah arêng, pinipis, inùm.

Ta, rare karogan-rogan, tani karwan tagih, sa, lontar surat kaya raksasà brahosya, litsyahà, wus puput masurat, glangakna rare ikà. Iti [67a] mantranya, ma, ong ah swah pattha ah, ong brah salitsahà.

Ta, rare iñja, sa, tumisi kakul, gsêngakna, we lêngis tanusan, olesaknà.

Ta, rare iñja, sa, rwaning tlêng putih, don kacêmcêm putih, uyah uku, we cukà, pinipis, wdaknà.

Ta, rare iñja, sa, rwaning kêm, isin tingkih, tmutis, isen, kunir, pinipis, wdaknà.

Ta, rare bdasà, sa, ulungan don tingkih, carmman kalihasêm, bawang tambus, adas, uyah uku, sêmbaraknà.

Iki pamuwung bdasà mwang tumbwan, sa, don suren, rwaning tmên, kunir, isen, tmutis, bawang, uyah ukù, sêmbaraknà.

Ta, rare pjên, sa, sulur waringin, wwading silagwi, bawang ngadas, pinipis, arapaknà.

Ta, rare pjên, sa, akah pucuk putih, don undis, don dêmung, bawang tambus, pinipis, banyuning bras, tahap.

Ta, rare pjên, don katepeng, [67b] akah mêr, base nguddà, bawang ngadas, pinipis, arapaknà sisikanya.

Ta, rare pjên, sa, carmman tuwi, wwading kasinen, bawang tambus, we asaban candanà, jênggi, inum.

Ta, rare pjên, sa, base ne ngudda dhùmlà, tmurose, akah bêngêl, we iñjin, uyah uku, patinya inum.

Ta, rare pjên, sa, base ne dumlà.

Ta, rare pangêmpêt rah, sa, kasinen sakawait, uyah irêng, tahap.

Ta, rare lêlêngêdan, sa, bungsil miyeh gdig, pongpong, trasi bang, ra, mnyan madhu, tambus àpang lêpah, pinipis, inùm, ampasnya anggen wap wàngkong, mwah tkanning siksikanya.

Ta, rare pjön, mtu nanàh, mwah gtih, sa, carmman twi putih, arapin gulà pànggang, haywa winalik, bawang tàmbus, pinipis, inùm.

Ta, rare lêlêngêddan [68a] mwang pjên, sa, carmman kandanggà, akah kêndal batukà, càrmman twi putih, panggang sami, ra, sarilungid, bawang tambus, pinipis, arapàknà.

Puput sinurat ring dinà, a, u, landêp, isaka warsà, 1884, druwen pakultas sastrà udhayàna denpasàr.

sumber: Sastra Unud – cakepane.blogspot