Caru Rsi Ghana - Lontar Bhama Kertih

Caru Rsi Ghana - Lontar Bhama Kertih

berikut ini banten caru rsighana:

Nihan Kaputusan Sang Hyang Resi Ghana, pamarisudhan ing karang hangker, salwir ing panes.

Yan mati salah pati, kalebon hamuk, sinamber ing glap, makrane sang adrewe humah kabhaya-bhaya kojarnia, caru iki glarakna ring pomahan ring sanggar ring parhyangan mwang ring tegal, sawah, sagenah ing karang panes aheng mwang hangker, yadyan kapanjingan Bhuta Kala Dengen, umah ing dete,
caru iki glarakna, lwirnia :

Nanceb sanggar Tutwan, munggah suci, 2 soroh, genep salan­laning suci, tkeng rantasania, hartha, 1700, haja ngelongin + saji 1 soroh. Astha-dala, maka gnah ing caru Resi Ghana.

Resi Ghana ika, sega, 9, pangkon, wadhahnia tamas ageng, melawa don nagasari, marajah sowang-sowang, OM, madhya; AM, pur; RE, ghne; SI, da; GHA, nai; Na, pa; BYO, ba; NA, u; MAH, aer.

Sga ika tinanceban skar tunjung sowang-sowang, iwaknia ingolah ithik den asangkep, nora majajatah.

Carune ring natar, hayam manca-warna, melayang-layang, matatakan klabang mikuh, daginge olah, nganut hurip ing Panca-warna, holahnia haywa kerup, ne putih kangin, olah urab bang putih, jajatah lembat asem pada, 5, katih dadi limang bayuh. Ne klod hayam biying, olahnia urab bang putih, jajatah lembat hasem pada, 9, katih, calon, 9 katih, dadi, 9, bayuh. Ne kawuh, hayam putih syungan, olah urab bang putih, jajatah lembat hasem pada, 7, katih, calon, 7, katih, dadi 7, bayuh. Ne kaja, hayam ireng, olah urab bang putih, jajatah lembat hasem, padha, 8, katih, calon, 8, dadi, 8, bayuh + caru bebek blangkalung.

Padha matatakan sangkwi, calon mawadhah limas, maduluran sasayut pangambeyan, pangulapan, prayascita lewih, mwah tumpeng hagung, 1, iwaknia guling ithik putih, daksina 1 soroh, jinahnia 5555, pane hanyar
Mwah nasi ketengania, ngatengah suci 1, mwang sasayut durmenggala, sasayut panca-klud pamyak-kala, dulurana pamangguh pamali.

Ring Sanggar Kamulania, suci 1 soroh, den agenep. Ri Sang Ngrajengin, suci 1. Ri telas pinuja salanlaning panglukatan, pras lis tatimpug. Saksina Sang Ngerajah natere, hartha 135. Daksina Sang Ngerajah rwan ing sarpasari, hartha 77.

Ri tlas pinuja de Sang Sadhaka, kon sang adruwe caru, tkeng pratissantanania kabeh, ngabakti, ka surya holih skar, ka Sanggar Kawitan, ring Sang Hyang Resi Ghana, hantuk skar mwah masaksi ka Surya dening Kwangi, tlas.

Wus mangkana raris lukat sang adruwe caru, tepung tawari buwuni, lisih, tirthanin, raris jaya-jaya sakawruhta.

Wus mangkana, kinon sang adruwe caru, ngayab caru.

Wus ngayab, raris gabungin layang-layange, rames nasin carune mancha desa, wadahin pane, pahidang layang-layange, hider kiwa, sambehang nasi ramese, mwang prayascita durmang­galane, saha sampat tulud mwang obor-obor, kulkul, sembar ring tri katuka, mantra dening Tatulak agung, mwang lis panglukatan, saha cengceng kendhang kempul, dulurania surak awu, pangihid Bhuta, nga.

Ri tlas mider kiwa, ping, 3, raris pendem layang-layange ring gnahe macaru Resi Ghanane. Sesan ing mapendhem, bwangen ring pampatan jalan, ring jurang, ring lwan wenang, tlas.

Iki Sang Hyang Resi Ghana, ma :

OM AM Resi Ghana bhyonamah,OM hana sira Sang Hyang Resi Ghana, rupaniya kadya liman, guna nirana kaya jaladhi sangha, matan ira dumilah, pancha maha-bhuta ring tengah, hangilangaken satru, kala-traya, tuju tluh taranjana, kalukat den ira Sang Hyang Resi Ghana, OM SA BA TA A I NA MA ÇI WA YA.

OM Etat mantram prawaksyamam, madhya , OM Kara sang sthitah angkare, purwa, sang sthopi, aghneuesya dre narakah, Çikare daksina jayayah, nairitya, nghewa sang sthitah tawat nakara paçchime,bayoh çikara sang sthitah, Naka rota rawi jnyeyah, makare saniya rewaca,tatah mantramniacet widwan, Ghanarsi nama raksane,Dwija gni nayanah bayu, gune wipre ndriyo nujah, pramondo rupa, nesi candra Resi catu.

OM Indah ta kita Sang Hyang Resi Ghana, tulung manusan ira, katiben ing marana agung, haweta urip manusanta, mwang dirghayusa. OM Sidhir astu ya namah swaha.

Iki caru kaputusan Sang Hyang Resi Ghana, pamarisudha ing karang panes, mwang sanggar :

Ngadegakan Sanggar Tutwan, mapenjor pring gadhing, matunggul kasa, 2, marajah Ghana, ngawa Bajra 1, ngawa gadha1, malih rwan bingin acarang, ring aersania gnahniya, kapwa rwania marajah Cakra, magenah ring harep ing Sanggar, sucinia 2. Gnep matupeng hadanan, pras daksina, harthania 1700, canang lenga-wangi, burat-wangi, munggah ring Sanggar.

Mwah ring harep ing Sanggar, natarnia marajah padma, 13 astha-dala, sastrania : pur, SAM; da, BAM; TAM, pa; AM, u; YAM, ghne; ÇIM, ne; WAM, ba; NAM, ai; MAM, ma.

Raris gnahin Caru Resi Ghanane, lwirnia, sga 9 punjung, wadahnia tamas agung, mahaled don sarpa-sari, rinajah so­wang-sowang: OM, ma; AM, pur; REM, ghne; SI, da; GHA, nai; NE, pa; BHYO, wa; NA, u; MAH, ae;

Ikang sega tancebin sekar tunjung, sowang-sowang, 9 katih. Iwaknia ithik ingolah den asangkep, nora majajatah. Carunia, satha manca-warna, malayang-layang, winangun hurip, matatakan sangkwi mikuh, dagingnia holah gnep, haywa korup, jajatah lembat hasem, calon agung mwang tumpengnia padha nganut hurip, mancha-desa, manceb Sanggah Cucuk 5, mancha-desa gnahnia, makober mancha-warna.

Ring purwa, putih; daksina, bang; paschima, kuning; utama hireng; ring madhya, brumbun. Bantenia tumpeng adanan. Ring tengah, daksina gdhe 1, hartha 500. Bayuhania padha ngawa panyeneng. Sasayut pangambeyan. Ring tengah suci hasoroh, glar sangha, agawu, tepung-tawar, bahu, lis, tatebasan prayascita lewih 1, prayascita durmanggala 1, pane hanyar 1, kuskusan 1, siwur penek, tatimpug, sujang 5, madaging twak mentah, harak brem.

Ring pamujan, suci 1, genep salan-lan ing panglukatan, daksina Sang Wiku hamuja, hartha 1700.

Maka wnangnia Caru ika ring Pomahan, ring Sanggar, ring Parhyangan, Dalem, Desa Puseh Bale-agung mwang ring Tegal Sawah, ring Pangulun Hempelan.

Kramania wus pinuja ikang Caru, ngabhakti ka surya hantuk skar mwang ring Sang Hyang Ghana. Mwah Kwangi pasaksi ka surya.

Wus mangkana, raris malukat sang adrewe Caru, matirtha, majaya-jaya. Raris pendhem Caru Resi Ghnanane ring natar ring ghahe macaru, layang-layang bebek mwang hayam, gabungin nasi hider bwanane, rames wadahin pane hanyar, siratin tirtha.

Panglukatan, pahidang ider kiwa ring pakarangan, ping tiga, saha hobor-hobor mwang sampat tulud, sembarin Tri katuka. Mantrania Pangihid Bhuta, saka wruhtawnang linakwan Tlas.