Banten Upakara ring Bali

Banten Upakara ring Bali

Om Swastiastu, Om Awighanamastu Namo Siddham

Pinih riin atur titiang, sakatilinganing ambek sembah pangubakti miwah angayubagia, riantukan asung kerta wara nugraha Ida Sang Hyang Widi Wasa, miwah piteket-piteket, kalih panureksan saking sang wikan ring pariindikan sastra miwah agama Hindu utaman nyane ring Bali muah ring se jebag dura Desa Bali pulina lan Nusantara. Titiang purun prasangga mipil utawi ngapupulang indik tatandingan upakara utamane tetandingan sesayut lan tetandingan tetebasan puniki mangda anggen titi pengancan ritatkala mekarya upakara riwekas. Gumanti titiang prasida ngaturang cakepane puniki medasar antuk manah pangkah tur tambet.

Pupulan puniki ambil titiang saking makueh cakepan-cakepan sane sampun kewedar, sane medaging tetandingan upakara utamane tetandingan sesayut lan tetebasan. Riantukan meled pisan manah titiyang ring sejeroning kahuripane puniki mangde wenten anggen titiang meyadnya ring para semeton Umat Hindu utawi Umat Se-Dharma sejebang Bali muah sejebag dura Desa Bali pulina. Malih pisan ampurayang mungguwing kelanggahan titiange purun mipil buku puniki tan sios mangda keanggen titi pengancan muah sipat siku ritatkala mekarya tetandingan upakara muah tetandingan sesayut lan tetebasan. Siosan ring punika antuk kanistan titiang mebuat pisan, janten sampun akeh kekirangan-kekirangan nyane ring daging buku sane pupulang titiang.

Dumogi cakepane puniki wenten pikenoh nyane ring Umat Se Dharma anggen titi pengancan ring sejeroning nabdabin pemargin yadnya sane keanggen riwekas. Maka panguntad atur titiang, ngelungsur sinampura antuk kekirangan-kekirangan pupulan puniki, ledang para widagdeng aji nagingin kekirangan-kekirangan pupulan puniki, mangde sida sampurna. Matur Suksma Om, Santih, Santih, Santih, Om

Tetandingan Upakara Banten Ring Bali

1. Canang gentuh : Metaled antuk ceper, wiyadin merupa kadi reringgitan, tetaledane dagingin pelawa, porosan antuk sedah, porosan medaging apuh, lan jambe metegul antuk talin porosan, susunin wadah lengis, sekar lan pandam arum, suksman nyane penunggalan kayun suci, jagi parek ring Hyang Widhi Brahma, Wisnu, Iswara, punika seranane, jambe apuh lan sirih. 

Banten Tebasan dan Sesayut

Banten Tebasan dan Sesayut

dalam upakara Yadnya sering disebutkan adanya banten tebasan dan sesayut. untuk itu, berikut ini dijelaskan beberapa pelutuk banten tebasan dan sesayut, diantaranya:

Sayut pajakerti.

Katur ring kangin, segeh isehan, ulamnia ayam putih pinanggang, tancebin sekar tunjung putih ring tengah muah tancebin kwangen 3 besik, ring elar (kampid ayame) besik, ring ikuh abesik, tulung dadua, ring mata 3 besik.

sesayut sidekarya,

Katur ring klod kangin, segenia kadi sibakan marepat, ditengah nasine pejangin tumpeng cenik, tancebin kwangen 4 sabilang bucu, muncuk tumpenge tancebin sekar tunjung abesik, tulung 2.

Sayut Candra Gni,

Katur ring klod, tumpeng 1, muncuk tumpenge misi dammar, sembenia baan kulit taluh siap, saring dammar (batan damare) tancebin canang marepat genahnia muang sarwa sekar, kwangen 3, bedbedin benang, ulamnia ati, tulung 2.

Sayut sidalungguh,

Katur ring klod kauh, nasi kaya citakan unti, misi cawan, cawane misi nasi apunjung, nasi batan cawane tancebin kwangen 4, nasine ring cawane celekin tunjung bang 1, tulung 2.