Google+

Lontar Sundari Bungkah

Lontar Sundari Bungkah

Sundari Bungkah adalah salah satu kitab yang wajib dipelajari oleh warga Pande. Lontar Sundari Bungkah banyak ditemukan di Pura-Pura Pande, terutama Pande besi. Beberapa tokoh Pande memperkirakan Lontar Sundari Bungkah adalah hasil turunan dari Mpu Bradah, sehingga tokoh Mpu Pradah dalam Sundari Bungkah banyak dianggap sebagai Mpu Bradah.

Para tokoh Pande memperkirakan, Lontar Sundari Bungkah diturunkan setelah Mpu Bradah berhasil mengalahkan Calonarang, dengan bantuan anaknya Mpu Bahula. Keberhasilan ini rupanya menginspirasikan leluhur Pande untuk belajar kepada Mpu Bradah, yang tidak lain masih dalam hitungan saudara,


Masih menurut perkiraan tokoh-tokoh Pande, sejak saat itu warga Pande dikatakan memiliki ilmu anti desti/leak. Pande dikatagorikan sebagai ”manusia berdarah panas”, sehingga hal-hal yang bersifat black magic dikatakan takut mendekati Pande. Tentu saja hal ini masih perlu penelitian lebih lanjut.

Sundari Bungkah terdiri dari 41 halaman, stiap halaman terbagi dalam a dan b. Untuk setiap posting akan dimuat 3 halaman.

Bagi pembaca yang mempunyai kemampuan menterjemahkan ke dalam bahasa Indonesia, dipersilakan untuk langsung menterjemahkan ke dalam comment.

OM Awignam Astu
1.a. puniki pustaka suci, kasungkemin antuk sira pande, mijil saking majapahit, saking paswecan ida empu pradah, sang empu pradah polih saking paswecan ida betara brahma, ring sampun puput suci panguning ida ring indik sastra, suku, surang, malih panugrahan tedong, kalawan taling, kadi punika sane patut kahuningin, tunggal brahma wisnu iswara, puniki sane kawastanin sundari-bungkah, nyatwayang indik pangawit, indik tengah-tengah, indik pamuput ipun, tatiga pidabdab ipun, tatiga nerus taler maraga tatiga kawastanin.

1.b. kumaragana kumarasidi, wenten mijil saking ambarane galang tur hening, daweg ida mijil wenten kadi gadgad ageng idane, tumbuh ida marupa pangutik, pangrupak, wenten suen ida tigang dasa, wenten kadi ngit ageng idane, kebah raris ida makayun jage mangajengan, marupa ida kris, ida maparab ki padalanglang, malih maatang ida ping nem dasa punika, wenten kadi nyitnyit ageng idane, maparab ida bhagawan canggu, puniki kawit jagate.

2.a. makasami, terus maatang punika, malih ida maatang ping sangang dasa kadi punika, wenten ageng idane kadi legu, maparab ida sang legaprana, malih maatang ida ping satus kalih dasa punika, wenten ageng idane kadi jawa, ngadeg raris ida, wenten gumi taler katah wenten jawa mentik, malih maatang ping karoblah kadi punika, wenten ageng idane kadi jali, wenten gunung, wenten bali, wenten panjak, wenten pangayah, malih maatang ida ping satus ulung dasa kadi punika, wenten ageng idane kadi salumbangan, malih maatang ida

2.b.ping satak adasa kadi punika, wenten ageng idane kadi rurub kajang, wenten rupan idane kadi gulem putih, wenten gumi malih langit, matunggalan punika, mijil batara brahma saking bumi akasa tan patandingan, ngendih murub genine kadahatan, andus ida batara brahma, punika nguwub jagate miwah langite ambubu saha aun-aun, andos ida batara dados gulem, guleme manados toya, mawasta tirta kamandalu,

3.a. metu kritisan punika manados sabeh, wenten batara brahma kalawan batara wisnu, wenten sasih, sabeh bales tan gigisan andus yangbubur kaping kalih aun-aun sami kakuwuban antuk gulem api taler abu, campuh api punika, suaran apine ang ong mang titah tutah kulina ngardi pajagatan, murub kauh, murub kaja, murub kangin, murub kelod, andus idane tiba ring gunung, ring pulo sajawa-jawa, mawasta ida tatit, sami pulone pada kasambehan antuk toya jagate

3.b. tirta kamandalu, ”warah aku batara agni, warah aku kilat, sapa wani lawan awak sariranku huwah sirep pandung wurung, ajeneng aku, warah aku ki barugudug”, mangkin sampun puput kadi punika, wenten metu bintang, sunar bintang-bintang, puniki mawasta tulis langit, saduk ida kadi ngit, saking pangrekan ida batara brahma.

4.a. wenten metu sang hyang surya, bulan, wenten windu, puniki kasinahan ida batara brahma, ngardi gumi kalawan langit, santukan jagate suwung, sadaweg ipun kari suwung, wenten pangrupak, wenten sane tumbuh, wenten pajenengan, wenten kanda-kanda, wenten kidang paripa, wenten manjangan palingga mawasta mas, sane wenten punika saking pakardin ida batara brahma, sane ring sor, sane ring luhur sami kakardi antuk yogan ida batara brahma, taler ngawentenang sira mpu, maparab sira mpu pradah, matunggalang ring sira mpu galuh, rurub idane batara brahma, punika sane dados sira

4.b. mpu pradah, mpu radah lanang, mpu galuh wadon, andus ida batara brahma punika, sane dados mpu bahula bencah andus idane, dados sabeh, sabehe dados mpu siwagandu, mangkin sampun puput punika paselambeh latu-latu abun ida batara brahma, mijil dados anak sudra, wenten jadma makatah, lanang wadon, ring sapulo-pulo sami

5.a. medal wenten jadma kadi punika, puniki mawasta panca manusa, wenten ida sang mpu pradah ida ngardi parindikan-parindikan ring jagate, wenten pakeleb ida mpu pradah ”hidepa aku sang hyang taya huripwesi, wesi nyug dening toya, matemahan tirta, hana ikang toya, hidepa aku sang yang taya huripwesi, wesi nyug mangdadi pusuh, hidepa aku sang hyang taya huripwesi, wesi nyug mandadi timah” puniki sabda ida sang mpu pradah kawi ”ang ung mang, ang mateges api, ung mateges toya, mang mateges eling”

5.b. mpu kreta, mpu sena punika sang dwija, sang krepaputra, kiwa kalawan tengen, kawastanin sira mpu pradah, duk mijil ida matapakan wesi urasani, ida maraga batara sesuhunan, siwan ida batara brahmagni loka, ida maraga brahma wisesa, santukan ida maraga api, pulo palinggihan ida kabawos gunung, maspahit, majapahit, maospahit, wenten gunung ring maspahit, mawasta gunung jambudwipa, gunung mahameru palinggihan ida batara pasopati, meru mas tumpang solas

6.a. majapahit palinggihan ida batara brahma, meru gedong besi, kakancing taler antuk besi maospahit palinggihan ida batara wisnu, gedong batu padmasana, puput palinggihan ida batara, pangandikan sira mpu pradah ”puniki surat kabawos pancagni puniki ucap-ucap” mangkin wenten pidabdab ring pratiwi, puncak kasucian,sapuniki paileh ida mpu pradah, majeng kangin sira mpu pradah, majeng kaja sira mpu pradah, majeng kauh sira mpu pradah, majeng kelod

6.b. sira mpu pradah, sane ring tengah taler sira mpu pradah, nikasang tangan ida saha nunggalang kayun ida, satedah punika sampun kakuasa ”(mantra tidak diposting)

7.a. (mantra tidak diposting), mapesengan ida mpu pradah, mapesengan ida mpu wesi, manira ngamedalang toya gangga ring sira mpu wesi, malih sira mpu galuh, mabayu gunung, punika sami kasiramin antuk batara wisnu, kasusupin gunung maspahit olih ida batara wisnu, kasusupin

7.b. olih ida batara brahmagni, wenten toya mijil saking pratiwi muah saking langite, sami pada jawa-jawane hidup mentik olih ida batara wisnu, sami gununge pada emeg, wenten mentik lulumatan, ring pratiwi akasa, santukan wenten toya mijil saking ida batara, maparab sang mahadwija, enceh ida sang dwija dados ulam, wenten ulam, makatah ulam punika, kabawos ulam alit-alit, sami pada mabinan-binayan ulam punika, saking sane tabah makatah kbawos, kenyoran ulame, kawit toyan

8.a. toyane mageng, punika mawasta sagara, katah ulame agung alit, sami pada malianan warnan ipun, sami pakardin ida batara karo,sagarane kalawan gununge sami, medal toyane rauh saking jurange, grembengane, wenten mentik padang-padang ring pratiwi, ring akasa sami pada mahurip, sami tumbuh sehanan taru-tarune, malih bun-bunane, ring gunung mapangka-pangka, taru-tarune sami pada membung, sa

8.b. mi ngarembun daun tarune, daun bun-bunane, katah pisan tarune, sami pada malian-lianan tarune, wenten metu ulad-alid, saking tarune, medal taler kumangkang kumingkinge, mekumedap kumedip, kumaridip, medal raris sang hyang tata, sang hyang titi, sang hyang kurarap, sang hyang kuyangyang, sang hyang kuliter, malih kuda, banteng raja, wok sidem balung, singha, asu gaplong, paksi manglayang laying, ring sor semut marerod, rawuh ring ngosngosan, sarwa kala gotongan, malih paksi agung

9.a. sane kawastanin garuda, warak, taler goak putih, kedis curik polawak, cengingan, kedis kutu-kutu, rereyok, clebungkek tan mari pajerit, singhambara, nginyah ring cayan anduse, yang lalah, jarangking taun, ulad-alid, kepuh rangdu ngarempayak, togtogsil, adang-adang, hanggareng, totokdok, rijasa karang ulun, kayu sidanten, kikiyiek, lelebak, kuwuk, dongkang, dedengeng, dedalep, kukuwis, muriji, dedalu,

9.b. singgarong, lemah mungkur, punika makasami dados sakancan isin pulon pulone, taler sakancan gunung-gununge, sakancan paloh-palohan bukita, ida batara brahma ngawentenang kandan jagate, sor kalawan luhur, wenten sakancan pawongan ida batara, sane mijil saking saru, makadi metu padi pinge, ring wetan, taler metu pantune barak ring daksina, metu pantune kuning ring kauh, metu pantune selem ring kaler, puniki kawastanin dewa batara di galuh, batara batari sri, catur boga wastan ipun, sanghyang naga
10.a. basukih, sane malingse kadi punika, kalangkung wisesan ida, marupa rayunan ida batara, dados hurip manusane, kawastanin batari durga, wenten sira mpu bawula, taler sang naga basukih, waluya dados swargan manusane, wenten sabda ida sira mpu bawula, ring batara nini, batara sri gumanti, sapuniki sabdan ida sira mpu bawula ”pangawit kahurip antuk

10.b. nini di galuh, yen pada tan ngaryanang upacara padine nini di galuh, sarawuh wit punika, nini sri gumanti keni sapan ida batara saking kadewatan, dewa batari nini, batari sri gumanti” sapunika pastun ida sira mpu bawula, ring anak sane tan nganutin upacara ”aku pastu idewa mang

11.a. den idewa cendek tuwuh panadosne, tan maduwe gumi tan paneda, kasangkala antuk leyak barak, karusak antuk padem, kelabu ya ta ring kasaktiane, dados anak utama boya, dados anak madya boya, dados anak sudra boya, yen tan ngawe upacara, tan ngawe upakerti, keni ring pamatun batarane ring kadewatan” anggen ngacep-acepang ida batara karo, mola-molayang parupayan anggan ida batara nawa sangha, tunggal tan nyusup pamargin panadosan punika, raris melesat andus

11.b. ida batara manuju wetan, dados selaka jenar, melasat andus ida manuju kidul dados tembaga mirah, melesat andus ida nuju kulon dados kusiaraga, melasat andus ida nuju lor dados besi kresna, melesat andus ida nuju tengah dados mas mancawarna, punika karincikang jaga ngawe panyengkala, aksengkala antuk api jantos telas puwun, mangdenya bersih sakatah reged-reged idewane, mangden idewa sami pada rahayu, idewa numadi dados manusa, pangawit patut idewa mangeling elingan patuduh manirane,

12. a. sampunang idewa tan eling, yen idewa dados anak lanang, tan dados idewa ampah, sampunang lali ring katurunan idewa, sampunang lali mataken ring pangrasa, mataken ring anak pradnyan, duaning punika jaga ngawe rawose ngaledangin, laksanayang bebratan punika, santukang ngacepang mangda mapikolih dumadine dados manusa, indik hal ayune nyandang takenang ring ida sang malinggih ring suwunge, nyandang timbangang ring kecap aksara kemaon, daweg sampun duur, daweg kantun alit, patut rasayang pataken idewane ring kayun sepi, buntil saha tegul ring hati, nyandang sinahan solahe rahayu punika tur yatnain pisan sampunang lali mataken

12.b. yening momo angkara, malaksana corah, ngambil padruwen anak lianan, upayane sapunika kabawos dharma tan patut, tan pariwangde jaga kalebokang ring kawah apine, yen dados anak istri sampunang lali ring pakeling manirane batara karo, duaning kabaos watek dewata, sami ngambel sanjata (mantra, tidak diposting)

13.a. (mantra lanjutan tidak diposting)
13.b. (mantra lanjutan tidak diposting)

14.a. (mantra lanjutan tidak diposting) ring sampune puput ida ngardi jagat, buwana bumi akasa, sampun puput kadi sujatine, wenten mangkin desa-desa, ngebekin negara punika, makelijih punika antuk mirah, mabias antuk podi

14.b. wenten mangkin kabawos agung pangawit, sami maraga sakti wisesa, tan saman pada, tan wenten ngungkulin, luhur ida wenten ngluhurin, luput idane tan wenten ngluputin, saktin ida tan wenten saktian, riantuk kaunggulan ida, puniki sane kawastanin watek nawa sangha, sujatin ipun ring sampune puput antuk ida ngardi gumi kalawan langit, gunung kaping kalih segara, sapuniki pawarah ida batara karo, sadaweg durung makanten punapa-punapi, durung wenten raos, ping rihin batara mangardi besi, wenten ja sakadi gadgad ageng idane, raris magentos rupa

15.a. gadgad dados ka, magentos rupa ka punika dados pajenengan, dados dewa kabatek antuk luhur idane tan sida antuk ngrawosang, punika dados pangenter jagat, panegara sami, puniki marupa panyungsungan ring sabatan langit, yen wenten anak tan nyungsung, pada anak punika manusa, sujatine boya anak punika manusa, nanging sato sujatin ipun, sapunika katuturan ipun sane rihin, mangkin ida batara brahma muputang pamurtin ida, batara brahma dados sira

15.b. mpu pradah, andus ida batara brahma dados mpu bawula, sabeh ida batara brahma dados sira mpu siwa gandu, sira mpu pradah dados pande, apah, teja, bayu, sabda, idep raris dados ida manusa, tan lian sira pande, maparab sira pande ajiwesi sakancan dawe idan ida maurukin sastra agama, raris wenten metu tutur, wenten metu usada, wenten metu pakeling-pakeling, salwir runtutan usada, wenten agem-agem usadane, taler

16.a. tenung usada, kandan paribasa, sepat siku pameneng, puniki dados uger-uger yen anake mamande besi, benjangan yen sampun sira pande husan mahurip utawi padem, puniki pajenenganne wajikin, anggen mresihin sawane punika, salwir malan ipun, salwir dosan ipun bresih sami karuat, sami pada udep, yen tan tirta pajenengane kanggen mrastita sawan sira pande, boya kadi sawan sira pande, nanging pateh kadi sawan anak sudra ipun, taler kadi bangken ubuhan ipum, yen sira pande eling ring katurunan ida

16.b. sira pande, eling ring kapandean, maraga batara brahmarsi, sampunang idewa lali ring pinget ida batara brahma, duaning kawentenane marupa tunggal pajenengan, sane mawasta senjata eng (gambar), sakancan wargan sira pande, puniki sane patut katuwutang antuk sira pande, sakancan sane ngalinggayang pajenengan idewa, yan tan pada nganutin sapangandikan ida batara brahmarsi, palan ipun jaga rusak sira pande, sapunika pawarah ida batara brahma, yen eling sira pande benjangan, puniki puja pangentas-entas rikala rawuh pademe, sapunika

17.a. pasemetonan sira pande, yen sampun huning ring pangentas-entas ngalinggayang puja nganggen bajra, raris ngastawa, huning ring warah-warah agama, huning ring awig-awig, taler sepat siku pameneh, ida pinaka sane kamanggehan dados mresihin leteh-leteh atman ida sira pande, anggen kahuripan, anggen pembonan, sang detya kalamertyu jiwa sujatin ipun, sampunang malih idewa nunas ring sang brahmana lianan, napi awinan duaning sang brahmana sang brahmana durung huning nguripang besine, nguripang gangsa, yen sang brahmana sampun huning

17.b. ring nguripang besi, taler tan kayun ida sang brahmana nganggen sungklit, raris ngentas sawan sira pande, raris susud kabrahmanan ida, karawuhing sang prabu, keni surud pikolihan ida, rawuh maka sami telah gading, duaning sira pande marupa kasakten ida sang prabu, taler dados hurip manusa, pawarah ida batara brahma, yen pawikan ida sang prabu sane ngambel jagat, sampunang ngadukan pande punika, mawastu rusak pakolihan sang prabu, sapunika wacanan ida batara

18.a. brahmagni loka, kapastu olih hurip wesi, punika aksara sane kasungkemin antuk sira pande, wenten wacanan ida batara brahmagni, ring sira mpu bawula, malesat ida raris ida dados ula agung, ida dados naga basukih, jati sakti mawisesa, malesat ida naga basukih dados raja dewata, tedun ida ke mrecapada maraga arca ida, sane wenten ring dalem purwaka, mawinan wenten panyungsungan manusa, kasiwi antuk jadma maka sami, saking latun ida

18.b. batara brahmakawi, mijil rajawesya, wenten mangkin watek pamangku, pamangkun ida dalem purwabumi, wenten nututin mijil, mawasta rajaksatrya, wenten pangamong ida dalem purwaka, wenten taler dalem maspahit, wenten malih bagyan-bagyan ring maspahit, puniki marupa pancer ipun ring maspahit punika, wenten ratu ring maspahit, maparab sang ratu putra, paican ida batara karo, barak ring selem, wenten rajaputra sinarengan ida mijil

19.a. saking maspahit, kiwa lawan tengen, ngandika rajaputra ring pamangkun ida, puniki kawentenan idewa sane dumadi, dumadi manusa, sami idewa ngecapang mangda majengan sami, pada malaku-laku pangupa jiwa, tan wenten idewa polih genah, tan wenten polih pidabdab, tan polih nuturin, idewa anak sane tan polih pakaryan, sami idewa wantah ngajengan don-don kayu, nanging idewa sami anak sane mahurip, sapunika pawacanan ida sang rajaputra, ring para pangemong ida sang ratu

19.b. putra, puniki wenten sira pande ajisakti, ruruh mangda panggihin idewa para pangemong, aturin raris ida ngaryaning sakancan prabot anake dadi manusa, wenten sira pande sane kandikayang makadi ida pande ajisakti, medal raris sira pande, tumuli kandikayang antuk sang prabu mangda makarya prabot anak magawe, mangkin sira pande ngregep tingkah punika, hana ta sajengku, gumelar aku sangkaning murub makatar-kataran, raris mijil sira batara brahmagni wisnu saking song-song irung, karna, saking cangkem medal besi, waja, campuh waja kalawan besi punika, tumuli dados sanjata kris,

20.a. wenten mangkin kris senjata, dados pakemit ida batara ring gunung meru maspahit, malih wenten cahcahan besine, punika dados sakancan prabot jadmane sami, katah sami prabote duaning sampun sami genep, makadi pakardin ida sira pande ajisakti, wenten anak medal makarya sakancan ane kasaratang antuk imanusa, mabaktaan mauruk anake sami sakadi imanusa, wenten pitutur anak sane ngandikayang ring imanusa, idewa manusa sareng sami, nyandang mataki-taki idewa mawak manusa,

20.b. malajah masolah, malajahin unduk-unduk, saling pakeling sareng timpal idewa, sami ngesepang kadi pakeling ida sang ngandikain, karawuhin sang makarya, sang ngaprestaka, saking swecan ida sang prabu ring imanusa, maicain prabot anak sane nyaga ngaga, raris makarya sami anake ngambil blakas, saling rebut sareng timpal ipun, sami pada makumpul-kumpulan sane ngagam sami anake punika makarya pondok kandang-kandang, kubu-kubu, sami ipun saling rebut

21.a. sareng timpal, ne mangkin tedun ida batara brahmakawi, wenten sabdan ida batara brahmakawi sane ngawi wenang, wenten pituduh ida batara, wenten sira mpu siwagandu, ida dados brahmana, santukan puput ledang nyingak rauh sang makarya, anake kandikayang, anake melaksana, sang mangardi, sang ngarawos, sang ngantenang anake, masolah rahayu, wenten atur ida sang sira pande ajiwesi, duaning ida sang ajiwesi maraga pamucuk sor kalawan luhur, wenten paridadab ring jagate

21.b. marupa utama pisan sami, sapuniki atur sang ajiwesi, ring sang brahmana, duaning sang brahmana durung mabresih, mangkin ida patut ngelaksanayang padiksan, patut masucian, ring sampun puput padiksan kawikone, mawasta ida sang wiku, pamuput ida sang ajiduru sujatin ipun, maraga siwan manusane, katodya antuk ida batara pasopati, kasaksinin antuk sanghyang surya candra, nawasanghane, nawarsine, tedun taler sami prakanca, kasahsahang

22.a. katulis untuk bagawan panyarikan, jaksa, jejeneng, pasek dangka, ngukuhin, duaning ida munggah menek lingga, menek saji makadi sekah, tan sah linggihang ida adi purnajiwa, tan mari ida maurikin kadharman, sampunang lali ring angga sarira, patut tumusang pisansane ring jaba kalawan ring jero, patut tunggalang, satata sabda bayu idep, sane medal ring muncuk lidahe, pamekas lidahe, urung-urung gending, papusuhan, ati, limpa

22.b. paparu, bebuahan, punika sane marupa pitara ring raga, nyali marupa panataran majapahit, punika patut sikiang ring angga, sampunang caluh-caluh, sampunang lali ring palinggih, sapuniki pangandikan ida sanghyang indra, yen idewa obah ring palinggih, masolah boya-boya, loba angkara, masolah corah, tan mapakayun sang putus, masolah rusit ring anak luh lianan, malih ngrawos bangras, salah-salah marebat, salah-salah ngacepang anak istri, malih ring semeton mantu, edan prana kabawos punika, taler kabawos cabul,

23.a. kabawos romon, yening sapunika ibuk paling kayun sang malinggih, boya ida kadi anak patut kabaktinin, mawastu leteh panagaran ida sang prabu, karusak antuk dewa pangruge ring kahyangan, maliha katah panyakit rawuh ring paradesa sami, kaletehan sang brahmana, olih ida sang ajiwesi, kapastu olih ida sang batara indra, madak ida sang wiku dados bojog, ida sang istri kapastu olih ida batara wisnu, mangda dados irengan, parisentanan ida sareng keni sami,

23.b. pastun ida sanghyang indra, kasabatang sang brahmana punika, karawuhing putra putun ida, yen ida bagawan astiti ring kahyangan, sayang asih ring pasemetonan, malih ring kadang warga, tumuli ngandika ida batara indra ring ida bagawan, benjang-benjangan idewa jaga madeg agung, yen idewa makayun mangda pageh muponin kapurusan parisentanan idewa, idewa salampah laku, wenten santanan idewa madeg agung, sampunang pisan ngimpasin kecap aksarane, kasungkemin antuk ida ajiwesi, sapunapi swakaryan ida sang ajiwesi, ida makarya mamande

24.a. besi, ida ngamargiang usada, kecap sastra saha tatabasa, ngajahang agama malih tenung ring anak sakit, parisolah anak prajnyan, ngamargiang sepat patitis, siku-siku pameneh, puniki sane kasungkemin kunggahang kadadosan acakep, puniki kecap aksara puja mantra, anggen ngaskara, anggen pangentas-entas, mantra sakti mawisesa,anggen ring kantun mahurip katekaning padem santanan idewa, sakadang wargan idewa, sane jenek ring dija-dija kemaon, puniki dados amongan sira pande wesi, asing-asing nyungkemin aksara puniki

24.b. pamekas kabawos sira pande, yening tan nyungkemin aksara puniki, boya punika pande, santukan tan tata huning ring angga sarira idewa, ngeninin hurip tekaning pati, sinah kapastu olih sanghyang agni, sang ajiwesi tedun kamayapada, ida dados sira pande wesi, katah lelintihan ida sira pande makadi sor kalawan luhur,

25.a. santukan sira pande sampun huning ring sarin angga sarira punika, huning ring sekar angga sarirane, taler huning ring rawuh woh angga sariran idane, putus ida ring sastra kapandean, mawinan wenang sira pande mangentas entas punika, sadesa sakancan kadang wargan ida sira pande, lebih-lebih anak lianan taler wenang, maliha ngamargiang pabresihan, duaning sira pande huning ring kawit kamimitang, huning taler ring paileh nyuarang genta pinara pitu, teleb ngugonin sastra sangha, duaning sira pande aji maraga kamimitan, we

25.b. nang ida munggah tedun, sampunang pisan sira pande lali ring kamimitan pande, sampunang nunas tirta ring brahmana lianan, mawastu surud mawak pande, yening sang brahmana nirtain sira pande, tekaning panagaran sang prabu jaga rusak, sapunika pastun ida sanghyang indra, sampunang sira pande masolah boya-boya ring anak kasamen, sampunang ngawe-ngawe solah sane tan manut ring anak ane maraga utama, kadi punika pakeling ida sanghyang indra ring anake mawak manusa sami kadi mangkin, indik paileh

26.a. agaman anake numadi sami, yen anak maraga agung lian pula palin ida, yen anake maraga utama taler lian paileh idane, yening anak dados panjak, yen dadi prajuru lian paileh ipun, saking mahurip jantos padem, yen sang prabu sane ngamel jagat, ngwangun karya sakancan karyan ida, yening ngalumbungang kahyangan, yen ngalumbungan raga, yen mabuta yajnya, yen ngastawa pitara dewa, yen makarya nyekah tur mukur, yen madewa yajnya ngaluwer, sampunang sampunang kataksoning utawi kapuput antuk anak mamanjak, anak dados prajuru

26.b. punika kabawos anak juru tegen, ngawe letuh sakancan karyan idane, ibuk paling sanghyang pitara dewata, tan manggih bagya sanghyang pitara kakaryanang, yen anak tereh agung salwir karyan ida katempungang, yen sang punggawa nyekah tur mukur, kadisapunika patut pidabdab ipun anak tereh agung sampunang katempungang ring anak tos pejuru, duaning tan bina gawe punika, katerima daksina punika antuk juru idih-idih, sanghyang pitara tan kayun maupacara, maupakerti, duaning marupa daksinan ipun iletuh, punika ngawinan makon sang pita

27.a. ra duaning atman ipun wong tani tan maduwe wates, ring paridabdab sang mahagni sareng abun ipun, genah ipun ring sor, sepungan ipun munggah , rauhin sang brahmana keni taler sepungan ipun, kadi sapunika pidabdab ida sang prabu makardi rahayu, samaliha laksanan anake dados panjak, anak dados juru arah-arah, anak malaku dagang, anak juru tegen, juru gae, lian upacaran ipun ring sor, yen ngwangun karya kadi anak tereh agung, ngalumbung ring sanggar ipun, ngaturin sang brahmana narpana, sampunang ngwangun sanggah dengen, laksanan ipun negtegang, ngingkup

27.b. mepetik, madudusan, nuwur batara kahyaangan, sane muput wantah punggawa, ring sampun puput karyan ipun, karusak antuk anak tan katon, kapastu antuk anak tan makanten, saturunang ipun kapunahang, huwus kita dadi manusa, malihe paileh anake dados prajuru, yen sampun ipun padem sampunang ipun nyekah, sampunang mukur, duaning indike punika boya pagenahan ipun, mangunang

28.a. penyekahan patut ipun wantah masakap-sakapan kemawon, sasakapan punika tunas, ngwangun ogya, ngwangun adegan ipun, ngaturin dadukun ipun malih, aturin mangda nyaksiang sasakapan ipun, santukan genah ipun ring sor, yening idewa mamada mada sang ksatriya, kentungang idewa ring kawah endute, manira sanghyang indra mastu idewa, dwaning idewa nguak warah-warah manirane, maliha tingkah anake ngaku-ngaku, boya wikan ngaku wikan, boya putus mambek putus,

28.b. punika edan prana kabawos ipun, balikin ipun ring sampune padem, jadma kadi punika kabanda olih ida batara yama, tan pariwangde ipun kakleblebang ring kawah tambragomuka, sapunika nyandang kahuningin antuk idewa, dwaning ipun tan huning ring kasucian kecap aksarane, tan huning ring suku, surang malih panugrahan tedong kalawan taling, kadi punika patut kahuninginantuk idewa, pikolih sang ngaku-aku, sane encen warnan ida, yen ksatriya hurip wesi ngagem kapandean, ksatriya brahmana ngagem paswamban, ksatriya mahottama ngamelang

29.a. panjak, mawinang sampunang ngaku-aku, tan pariwangde idewa kaleblebang ring kawah tambragomuka, sapunika kasinahan ipun, wenten ratu ngentosin dados ratu, mamuder jagat, mutusang ring anak tos kawula madeg agung, wenten wacanan ida sanghyang indra, ring sang ratu sane madeg agung, sampunang nguwah uwah, sabdan manira batara indra, sampunang nguwah uwah sasungkeman sira pande, yen sang prabu ngarincikang daya upaya, ngawe panyengkalan sira pande,

29.b. maliha ngawe bingbang kayun sira pande, maliha ngawenin pati sira pande, saha ngawenin karusakan sira pande, sang prabu jaga keni pastun manira batara indra, mogi-mogi surud pabuktian idewa, turmaning punah katekaning pasemetonan taler putran idewa sang prabu surud, maliha sapanitisan idewa surud sami, sasoring akasa, duaning kena pastun manira sanghyang indra, sujatin ida pande kawi pangawit dados gadgad daweg kantun suwung, yen sang prabu nyaratang sasemetonan ki pande, makayun ida nganggen rabi, sabdan ida

30.a. sanghyang indra, tan kalugra sang prabu ngambil sametonan pande, sasoring langit sami tan kadadosang, ngambil sameton sira pande, dwaning jaga ngawinang sasemetonan ida kabrorot, tedun treh sira pande, yen pade kanggen rabi, surud pande punika, sang ngangen rabi karusakang antuk sakadang wargan sira pande, dwaning sira pande, maraga pancer jagat, kabawos sor liwatan sor, kabawos luhur liwatan ring luhur, kabawos ida, pun-hana-guni-hana-wong, sapunika sajaten sira pande kabawosang paragan ida batara brahma, pangadeg ida batara guru, mapesengan sira mpu pradah, sakadang wargan ida

30.b. ki pande, yadiastu tan mamande, tan makarya ring besi, lamun tos ipun pande, raris tan pisan naenin ngaturang bakti ring pajenengan pande, tan jaga lasia landuh sira pande, satata jaga katiben gering, manggih banget pakewuh, asapunika mangda kahuningin, anak sane tan huning ring kajaten panumadian, pateh kadi ubuh-ubuhin sujatin ipun, sapunika wacanan ida sanghyang indra ring sang kawi, dwaning sampun puput pawangun ida batara, pawangun sira ibu, maliha lintang ring sasih kapitu dadinan ida sang kawi, patut idewa mangunang panerus pametel

31.a. cacakan rahina wengine, ida batara malinggih ring luhuring akasa, ida tan pangucap, (mantra, tidak diposting), wenten pakeling ida duaning putus kawitan sundari bungkah puniki pamutusdalem palinggih, anggen mutusang indik pralaya, pati kalawan hurippuniki puja idane

31.b. batara pasupati, sane kakardi olih ida batara tiga, dados ageman sira pande, kabakta saking majapahit, kapakayun anggen ngardi karahayon sira pande, jangkep pula pali kraman sira pande, sakancan panganggen jadmane ring mrecapada, tan samanpada ida, maliha antuk puja puniki, saking hurip rawuhing padem, puja puniki sampunang obah, saha kapingitang ida ring majapahit, patut pingitang duaning ila-ila panadosan ipun, pati tekaning hurip, puja puniki aketi nem laksa, sakadi palinggih ipun, yening ngaskara

32.a. karawuhing pangentas-entas, sadya jaga kapanggih antuk ipun, rawuhing putu buyut jaga manggih bagya, nyidayang sira pande wesi sane katiben neraka corah sakancan punika, sasangi salwir saud rawos, sami pada karuat, ulihan sami pada jati-jati ring puja puniki, pujan ida sira pande wesi, puniki kasungkemin antuk sira pande, puja pangentas entas, marisuda kahiwangan manusa (mantra, tidak diposting)

32.b. (lanjutan mantra, tidak diposting)
33.a. (lanjutan mantra, tidak diposting)

33.b. sapuniki carane makarya toyan anak padem, saji, mas pripihan berat sepeha, madaging ali-ali berat sepeha, socan ipun mirah, runtutan ipun sarwa wija, salimped payuk punika, benang dados roras, ileh payuke, ingsahin dumun, sampun puput ukupin menyan, madaging tulis dasa bayu, bebehin sekar bibih payuke, dagingin toya, wadahin payuk anyar, ingsahin dumun, (mantra, tidak diposting), malih ukupin menyan (mantra, tidak diposting)

34.a. ukupin (mantra, tidak diposting) embonang (mantra, tidak diposting) celempungan pripihan saha ali-ali punika (mantra, tidak diposting) cendana, wija beras pinakautuh, celempungang tunjung walwalan, sekar kalpika (mantra, tidak diposting)

34.b. (mantra lanjutan, tidak diposting) tibakang sekarura, lalang roras guli panjang ipun, sehet mingmang cendana, wija saha langlang celempungang (mantra, tidak diposting), sampun puput, tibakin langlang panjang ipun sahasta akeh ipun satus kutus, malih padang lepas, candaria wija (mantra, tidak diposting) ilehang ping tiga ring, bibih payuke ping kalih, turuhang toyane ring payuke, kapakayun atma sang padem sampun belas saking sawan ipun, melesat

35.a. nuju ka suwunge uttama, ang , ah, pikolih ida mantra prayoga, boya wenten mialangin tresnane ring sawan ipun, prasida lepas sagin ipun genep, puniki toya tabah (mantra, tidak diposting)

35.b. malih panglepasnya (mantra, tidak diposting), mantraning alepas (mantra, tidak diposting), carane ngenjutin sawa ring patulangane, gamel kayune madaging api, ngarepin sawa, mantra

36.a. (mantra, tidak diposting) raris kitukang kayunekagamel mider tengen ping tiga (mantra, tidak diposting) raris ancung-ancungang apine ring batan sawa ping tiga, (mantra, tidak diposting) raris genahang apine ring batan sawane, (mantra, tidak diposting), mantra lis nirtain caru, sarwa kapuponin, ngalepasang sakancan sane kapangan, ngalepasang atman sang padem, saha

36.b. salwir mati lepas antuk punika (mantra, tidak diposting), ngawe paripurna sarwa aturane, malih sarwa sane katurang, yening ngentas malih maperas perasan (mantra, tidak diposting) siratang tepung tawar, sambehin sekarura saha nasi aone, sapuniki kadadosang aturane asing-asing katurang wenang mantra wiseshae uncarang ping rihin, sane encen punika

37.a. (mantra, tidak diposting)ring sampune telas mantrane asing patut katurang punika, dados mantran toyane anggen nyiramang, (mantra, tidak diposting), katibakang toyane ring pasareane, nyiratang toya (mantra, tidak diposting)

37.b. (mantra lanjutan, tidak diposting) tibakin dukut lepas, (mantra, tidak diposting), sapuniki mantrane ngawe tirta, sarwa sane kandikayang celempungin sekar toyane (mantra, tidak diposting)

38.a. (mantra lanjutan, tidak diposting)
38.b. (mantra lanjutan, tidak diposting)
39.a. (mantra lanjutan, tidak diposting)
39.b. (mantra lanjutan, tidak diposting)
40.a. (mantra lanjutan, tidak diposting)
40.b. (mantra lanjutan, tidak diposting)
41.a. (mantra lanjutan, tidak diposting) sayut kalih, lis, tepung tawar, sibuh payuk panglukatan (mantra, tidak diposting) siwakrana (mantra, tidak diposting)
41.b. (mantra lanjutan, tidak diposting)
Telas tutur puniki
sumber: web warga pande

3 komentar: